Мемлекет басшысы Қасым-Жомарт Тоқаев заман талабына сай мемлекет құру үшін алдымен азаматтардың барлық өтініш-тілегіне жедел әрі тиімді жауап бере алатын «Халық үніне құлақ асатын мемлекет» тұжырымдамасын іске асыру керектігін үнемі айтып келеді.
Бұл орайда, қоғамдық диалог, ашықтық, адамдардың мұң-мұқтажына жедел назар аудару – ең алдымен, мемлекеттік органдардың міндеті. Осы ретте «AMANAT» партиясы фракциясының мүшесі, Парламент Мәжілісінің депутаты Данабек Исабеков өз пікірін білдірді.
Елімізде цифрландыру ісі қарқынды түрде дамыды, әлі де дамуда. Мемлекет басшысының «Халық үніне құлақ асатын мемлекет» тұжырымдамасын іске асыру халқымыздың әл-ауқатының артуына, сыбайлас жемқорлық көріністер мен бюрократтық тосқауылдардың азаюына негіз болған E-Otinish электронды өтініштер жүйесі қоғамдағы кейбір мәселелерді шешуге көмектесуде. Халықтың мемлекеттік қызмет түрлеріне қолжетімділігін арттыру бағытында өте көп бастамалар жүзеге асырылуда.
– Шешілуге тиіс мәселеге тоқталсам, қазір заман талабына сай ақпараттық жүйелер арасындағы ықпалдастыру жүйесін жетілдіру қажеттілігі туып отыр. БМЖМК (ЕКГН) дерекқорларының іркілуі, Мемлекеттік қызмет көрсетудегі дерекқорлардың жиі іркілуі, жер саласының архивтерін цифрландыру, жалпы мұрағат жүйесін цифрландыру, АХАТ саласы мен әлеуметтік салалардың дерекқорларын ықпалдастыру мәселелері шешілсе, қызмет көрсету сапасы жоғарылауына үлкен тетік болары сөзсіз, – деді Мәжіліс депутаты.
Қызмет көрсету сапасына бақылау Мемлекеттік қызмет істері агенттігімен, қоғамдық қорлармен, ведомствоаралық комиссиялармен, партия тарапынан, әр қызмет алушы тарапынан қадағаланады және бағаланады.
Бүгінде «Азаматтарға арналған үкімет» мемлекеттік корпорациясы арқылы 1 354 мемлекеттік қызмет түрін алуға болады, соның ішінде 1 214 қызмет түрі «электронды үкімет» порталы арқылы көрсетіледі. Мемлекеттік қызметтерді электронды түрде алу рәсімдердің мерзімін едәуір қысқартып, оларды орындаудың жеделдігімен және барлығына қолжетімділігімен, қызмет алудың барлық сатысынан адами факторды мүмкіндігінше алып тастаумен ерекшеленеді.
