“Рухани келісім” күніне орай Шардара аудандық орталықтандырылған кітапханалар жүйесінде «Рухани келісім күні – татулықтың бастауы» тақырыбында дөңгелек үстел өтті, деп хабарлайды Аptanews.kz тілшісі Шардара аудандық орталық мешітінің баспасөз қызметіне сілтеме жасап.
Аталған іс-шараға дін өкілдері, үкіметтік емес ұйымдар мен құқық қорғау органдарының өкілдері, аудан мектептеріндегі дінтану пәнінің мұғалімдері қатысты.
Дөңгелек үстелді аудандық ішкі саясат бөлімінің басшысы О.Қалшабекова ашып, жүргізіп отырды. Дөңгелек үстелде аудан имамы А.Данияров, аудандық Қоғамдық келісім кеңесінің төрағасы Қ.Ілесов шараға қатысушыларды аталған мерекемен құттықтап, мерекенің мән-мағынасына тоқталды.
Іс-шара соңында ауданның қоғамдық-саяси өміріне белсене атсалысып жүрген азаматтар аудан әкімінің Алғыс хатымен марапатталды.
