Шымкент: Төрт түлікке егу жұмыстары жүргізілуде

684

Жыл сайын мал ауруының алдын алу, егу жұмыстары жүргізіліп тұрады. Биыл да маусымдық жұмыстар қызу жүргізілуде.

Бүгінгі таңда Шымкент қаласы бойынша профилактикалық және диагностикалық іс-шаралар жоспарына сәйкес, жануарлар мен адамға ортақ аса қауіпті 29 түрлі ауруға қарсы диагностикалық зерттеулер алынуда.

Сонымен қатар, 14 түрлі жұқпалы ауруға қарсы профилактикалық егу жұмыстары жүргізілуде.

– Егер жаңадан ауыл шаруашылығы жануарларын сатып алған болсаңыз немесе төлдеген жағдайда «Ветеринариялық қызмет» МКК хабарласу керек. Себебі, індетке қарсы сынама мен екпе барлық малға жүргізілуі тиіс, – дейді жауапты сала мамандары.

Көбіне түрт-түліктен   бруцеллез  және туберкулез аурулары анықталып жатады екен. Сондықтан да, уақытылы мал дәрігерлеріне тексертіп, екпе жасау керектігін қатаң ескертеді. Вакцинацияны жасау міндетті және тегін. Еліміздің әр ауданында, әр ауылында ветеринариялық қауіпсіздік, эпидомиологиялық ахуал бірқалыпты жағдайда дейді мамандар. Сондықтан да малды дер уақытында ектіруге шақырады.