Шымкент қаласы Қаратау ауданы аумағындағы орталық көшелердегі санитарлық тазалық жұмыстарын «Zhasyl zher» ЖШС жүргізеді.
Қазіргі таңда, «Zhasyl zher» мекемесі орталық көшелердегі аяқжолдар мен аялдамаларды, сонымен қатар «Қасірет» мемориалының қасбеттерін жуу жұмыстары қарқынды түрде атқарылды. Аталған жұмыстар жыл бойы тұрақты түрде атқарылатын болады. Сондай-ақ, мекеме тарапынан орталық көшелердегі арық-атыздар мен ирригациялық жүйелерді тазалау жұмыстары да жүргізілуде.
Айта кетейік, алдағы уақытта Шымкентте «Ақылды аялдамалардың» санын арттыру жоспарлануда. Бүгінде Солтүстік шағын ауданында пилоттық режимде «Ақылды аялдама» орнатылған. Шаһардағы «ақылды аялдамаға» салқындатқыш, бейнекамера және антивандалды экран орнатылып, халық игілігіне берілген.
Аялдаманың толық аяқталуы үшін бірнеше құжаттары мен ішкі құрылысында орналасқан маршрутты көрсететін LED экран орнатылуы қажет. Алдағы уақытта жоба оң нәтиже берген жағдайда, «ақылды аялдамалардың» санын арттыру жоспарда бар, деп хабарлайды Aptamedia.kz Шымкент қаласы әкімінің баспасөз қызметіне сілтеме жасап.
