Nur Otan партиясының «Өзгерістер жолы: Әр азаматқа лайықты өмір!» атты 2021-2025 жылдарға арналған Шымкент қаласы бойынша сайлауалды бағдарламасын іске асыру бойынша әзірленген Жол картасының орындалу жұмыстары қарқынды. Бұл ретте, Шымкент қаласының ішкі саясат және жастар істері жөніндегі басқармасына жүктелген 3 тармақ бойынша 100 пайызға орындалып отыр. Бұл туралы Шымкент қаласы мәслихатының депутаты Талғат Балтабаев Фейсбук әлеуметтік желісіндегі парақшасында мәлім етті.
– Nur Otan партиясы фракциясының мүшесі, Шымкент қаласы мәслихатының депутаты ретінде Nur Otan партиясының «Өзгерістер жолы: Әр азаматқа лайықты өмір!» атты 2021-2025 жылдарға арналған Шымкент қаласы бойынша сайлауалды бағдарламасын іске асыру бойынша әзірленген Жол картасының орындалу жұмыстарын түгендеп, Шымкент қаласының ішкі саясат және жастар істері жөніндегі басқармасына жүктелген 3 тармақ бойынша атқарылған жұмыстар жайымен таныстым.
Шымкент қаласы ішкі саясат және жастар істері жөніндегі басқармасы басшысының орынбасары Бексұлтан Ержанұлы басқармаға жүктелген міндеттемелер толықтай орындалғанын алға тартты. Айтуынша, І тармақ – жатақханалар санын арттыру бойынша, ағымдағы жылы 1474 орындық жатақхана пайдалануға берілген. Жоспар 900 орын болатын. ІІ тармақ – еріктілерді қолдау бойынша, 2 белсенді жұмыс істеп отырған волонтерлік ұйымға ынталандыру мақсатында 2 миллион теңге көлеміндегі қаржы бөлінген. Жалпы қалада 16 мыңға жуық ерікті бар екенін айта кету керек. ІІІ тармақ – «Адалдық алаңы» жобасы бойынша, қалада 250-ге жуық кездесу өтіп, жемқорлыққа жол бермеу мақсатында спикерлер жалданып, насихат ісі жоғары қарқынға жүрді. Осылай, Nur Otan партиясының «Өзгерістер жолы: Әр азаматқа лайықты өмір!» атты бағдарламасының Жол картасына енген шаралар 100 пайызға орындалып отыр. Nur Otan – нақты істер партиясы! – деп жазды Талғат Балтабаев.
