Түркістан қаласы көлемінде Әкімшілік Құқық Бұзушылық туралы Кодексінің 200-бабына сәйкес, 21 жасқа дейінгі адамдарға алкоголь өнімін сатудың бірнеше фактісі анықталды. Атап айтсақ, Түркістан қаласындағы Жібек жолы жолы көшесінде орналасқан «Прага» сыраханасына түнгі сағат 23:00-ден кейін спирттік алкоголь өнімдерін сатқаны үшін Әкімшілік Құқық Бұзушылық туралы Кодексінің 200-бабының 3-бөлігімен хаттама толтырып, ісі сотқа жолданған.
Естеріңізге сала кетейік, осы бабқа сәйкес мейрамхана мен барларда, сағат 23:00-ден келесі күнгі сағат 08:00-ге дейін, этиль спиртінің көлемді үлесі 30 пайыздан асатындарын сағат 21-ден келесі күнгі сағат 12-ге дейін бөлшек сауда арқылы өткізуге тыйым салынған болатын.
Десек те, осы талапты орындамаған кафе, мейрамхана, барлардың иелеріне лицензияның қолданысын тоқтата тұрып, жеке тұлғаларға 10, шағын кәсіпкерлік нысандарына 40, орта кәсіпкерлік субьектілеріне 80, ірі кәсіпкерлік нысандарына 120 айлық есептік көрсеткіш мөлшерінде айыппұл салуға әкеп соғатынын ескертеді.
