Шымкент қаласында індетпен күресуде медицина ұйымдарына қосымша медицина қызметкерлерін қабылдауда. Бұл туралы Шымкент қаласы әкімінің бірінші орынбасары Ербол Садыр мәлім етті.
Шымкент қаласында індетпен күресуде медицина ұйымдарына қосымша медицина қызметкерлерін қабылдау жүріп жатыр.
– Шымкент қаласы әкімі Мұрат Әйтеновтың тапсырмасына сәйкес, қаладағы медициналық ұйымдарды қосымша дәрігерлермен, медбикелермен қамтамасыз ету жөнінде арнайы жұмысшы топ құрылды. Ол топ өз жұмысына кірісіп те кетті. Бүгінгі күнге Шымкент қаласындағы медицина академиясынан 84 резидент тартылуда, — деді Шымкент қаласы әкімінің бірінші орынбасары Ербол Садыр.
Қазіргі таңда, жұмысқа тартылған резиденттердің: жалпы тәжірбелік дәрігері — 31, инфекционист — 8, педиатр — 4, кардиолог — 3, хирург — 9, невропатолог — 7, терапевт маман — 7.
Сонымен қатар, қаладағы 4 медициналық колледжден 116 медбике жаңадан ашылып жатқан провизарлық және күндізгі стационарларға қабылдануда.
Еске сала кетейік, Шымкент қаласы әкімінің тапсырмасына сәйкес, күндізгі станционарда медицина мамандары демалыс күндеріне қарамастан, аптасына жеті күн, таңғы сағат 08:00-ден бастап 20:00-ге дейін жұмыс істемек.
