Қаратау ауданы әкімдігі аппараты тарапынан аурудың таралуының алдын-алу бойынша мобильдік топ құрылған.
Қазіргі таңда мобильдік топ тарапынан сауда орталықтары, базарлар мен азық-түлік дүкендерінің санитарлық нормаларды қатаң сақтауы, сондай-ақ, тұрақты түрде дезинфекциялау жұмыстарын атқару бойынша түсіндіру жұмыстары жүргізілуде.
Еске сала кетейік, кәсіпкерлік нысандар санитарлық режимді қатаң сақтап, үнемі бетперде мен бір реттік қолғап киген жағдайда ғана қызмет көрсетуі тиіс. Келушілерден де санитарлық талапты сақтауды талап ету шарт. Олай болмаған жағдайда тиісті шаралар қолданылып, жауапқа тартылуы мүмкін.
Сондай-ақ, Еңбекші ауданына қарасты Тәуке хан даңғылы, Елшібек батыр және Ш.Уәлиханов көшелері бойында орналасқан 187 коммерциялық нысандарға рейдтік іс-шара жүргізілді.
Рейд барысында санитарлық-эпидемиологиялық талаптарды бұзу фактілері анықталмады. Дегенмен мамандар санитарлық талапты сақтау тәртібін түсіндіріп, үгіт-насихат жұмыстарын жүргізді.
Ал, Әл-Фараби ауданы аумағында орналасқан орталық көшелер мен “Химфарм”, “Ескі қала” шағынаудандарында және аудан аумағындағы көпқабатты тұрғын үйлердің жертөлелеріне, кіре беріс алаңдары мен аулаларда дезинфекция жұмыстары жүргізілуде.
