Шымкентте карантин режиміне байланысты қаладағы кәсіпкерлік нысандарға мониторинг жұмыстарын жүргізу қатаң түрде жүзеге асып келеді. Соның ішінде, Қаратау ауданы аумағында карантиндік жағдайға байланысты Шымкент қаласының бас санитарлық дәрігерінің қаулысына сәйкес тисті жұмыстар атқарылуда.
Қаратау ауданы аумағында карантиндік жағдайға байланысты Шымкент қаласының бас санитарлық дәрігерінің қаулысына сәйкес тисті жұмыстар атқарылуда.
Атап айтқанда, аудан аумағындағы барлық 977 кәсіпкерлік нысандар, оның ішінде базарлар, дүкендер, қоғамдық тамақтану орындары, спорттық нысандар, ойын-сауық орталықтары, автожуу бекеттері, моншалар мен сұлулық салондары сынды кәсіпкерлік нысандар өз жұмысын уақытша тоқтатады. Оған себеп, карантин режимінің екі аптаға созылуы мен талаптардың күшейтілгендігі екенін атап өту керек.
Қазір Қаратау ауданы әкімдігі жанынан тиісті мамандардан құралған 14 мониторингтік топ бар. Олар күнделікті, тұрақты түрде сауда орындарын аралап, түсіндіру жұмыстарын атқаруда. Ал, карантиндік режимді сақтамай, заңбұзушылықтарға жол берген нысандар жауапқа тартылуда.
