Шымкент қалсында Тәуелсіздіктің 30 жылдығына орай жəне қала күні қарсаңында «Шырайлы Шымқалам» атты мерекелік ән кеші өтті. Салтанатты шараны Шымкент қаласының ішкі саясат жəне жастар істері жөніндегі «Жастар ресурстық орталығы» КММ-сі Әл-Фараби ауданы мамандарыны ұйымдастырды. Кешке қаламыздың тұрғындары мен қонақтары қатысты, деп хабарлайды Aptamedia.kz Шымкент қаласы әкімінің баспасөз қызметіне сілтеме жасап.
Іс-шараның мақсаты – жас өнерпаздарды анықтау.Ашық аспан астындағы ән кешінде барлық әндер жанды дауыста орындалып, тыңдармандар қосыла айтып, би биледі. Ерекше шараны тамашалаушы қонақтар керемет әсерге бөленіп, ұйымдастырушыларға өз алғыстарын білдірді. Іс-шараны өткізуге мұрындық болған «Жастар ресурстық орталығы» мұндай мерекелік жобалардың жиі өтетінін және қала қонақтары мен тұрғындарымен үнемі кері байланыс орнатылатынын айтады.
Мерекелік кеш «Жастар ресурстық орталығы» ғимараты алдындағы ашық аспан астында өтті. Алдағы уақытта жас таланттарды анықтау мақсатында мұндай кештер өз жалғасын табатын болады.
