Бүгін ел Тәуелсіздігінің отыз жылдық мерекесі мен Қала күні мерекесіне орай Қазақстан мұсылмандары діни басқармасы Шымкент орталық мешіті мен қалалық «Зекет және қайырымдылық» қорының мұрындық болуымен «Берекелі Тайқазан» атты қайырымдылық шарасын ұйымдастырды.
Қайырымдылық шараға Шымкент қаласының бас имамы Бақдаулет қажы Нұрматұлы мен қалалық «Зекет және қайырымдылық» қорының өкілі Айбек Азимбаев және найб имамдар Мұхамеджан Естеміров пен Қазыбек Сарыбаев және ерікті топ мүшелері қатысты.
Шара барысында көпбалалы отбасы, жағдайы төмен және мүмкіндігі шектеулі жүз отбасы мүшелеріне азық-түлік себеті үлестірілді. Осындай шара қаланың бес орнында ұйымдастырылды.
Айта кетейік, Ел Тәуелсіздігіне отыз жыл және Шымкент қаласы күні мерекесіне орай, таяуда Қазақстан мұсылмандары діни басқармасы Шымкент қаласы бойынша өкілдігінің ұйытқы болуымен қалалық Қан орталығында «Бәріміз — біріміз үшін» атты қан тапсыру шарасы ұйымдастырылған болатын.
