Бірініші ақпаннан бастап вакциналау қарқынды жүріп жатыр. Шымкенттің 239 506 тұрғыны вакцинаның бірінші компонентін, ал 141 328 тұрғыны екі компонентін де алды. Бұл – вакциналанатын тұрғындардың 44 пайызы. Бұл көрсеткіш бойынша Шымкент көш басында. Иммундау шарасынан өткендердің басым бөлігі педагогтар.
Азаматтарды вакцинациялау үшін қалада қырық үш егу бекеті жұмыс істеп тұр. Мұнан бөлек жиырма бес жылжымалы егу пункті бар. Шымкентте егу пункттерінде медицина мамандары демалыс күндерге қарамастан, вакцинациялау жұмыстарын жүргізеді. Егу пункттерінің жұмысы таңғы сағат 08:00 мен 20:00 аралығында.
Жаппай вакцинациялау алгоритміне сәйкес, қала тұрғындары вакцинаны жергілікті емханалардың егу кабинеттерінде арнайы тізім және алдын ала жазылу тәсілі бойынша салдырады.
Бүгінге дейін қалаға барлығы үш жүз тоқсан төрт мың бес жүз қырық бес доза ковидке қарсы вакцина жеткізілген. Қазірде емдеу мекемелерінде алпыс үш мың төрт жүз алпыс үш доза инфекцияға қарсы вакцина бар.
