Шымкентте «Nur Otan» партиясының сайлауалды бағдарламасын жүзеге асыру аясында «Әлеуметтік саланы дамыту» бағытында 2025 жылға дейін 68 500 орындық 72 мектеп бой көтереді.
Биылдың өзінде 32 мектептің құрылысы басталып, 20 мектепті пайдалануға беру жоспарлануда. Оның ішінде 4 мектеп мемлекеттік бюджеттен, ал 16-сы жеке инвестициялар есебінен салынуда.
Жаңа оқу жылында Шымкентте үш ауысымда оқытатын мектептер саны 14-тен 9-ға дейін қысқарады. Сайлауалды бағдарлама аясында бес жыл ішінде 19 үш ауысымды мектеп мәселесі шешілетін болады.
Мәселен, Еңбекші ауданында № 120 Б.Момышұлы атындағы орта мектеп жанынан қосымша оқу корпусы салынуда. Бүгінде 300 орындық жаңа оқу ғимаратының құрылыс жұмыстары 80%-ке аяқталып, ішкі және сыртқы әрлеу жұмыстары жүргізілуде. Сонымен қатар оқу корпусы жанынан жаңа үлгідегі спорт залының құрылысы қарқынды жүріп жатыр.
Мектеп құрылысын жүргізіп жатқан мердігер мекеме басшысының айтуынша, нысанды пайдалануға беру биылғы жылдың 30 шілдесіне жоспарланған. Сайлауалды уәделердің орындалуы «Nur Otan» партиясының бақылауында.
Жалпы, өңірлік сайлауалды бағдарлама аясында алдағы бес жылда мектептерді жабдықтауға 7 млрд теңгеге жуық қаражат қарастырылған
Жалпы, аймақтық сайлауалды бағдарлама шеңберінде алдағы бес жылда мектептерді жабдықтауға шамамен 7 миллиард теңге қарастырылған. Оқу орындары 278 арнайы физика, химия, биология пәндері кабинеттерімен, сондай-ақ ЅТЕМ робототехника кабинеттерімен қамтамасыз етіледі. Материалдық-техникалық базаның қамтамасыз етілуі 32-ден 60%-ке дейін артады.
