Шымкент шаһары бүгінде «қызыл» аймаққа кіріп, халықты әбігерге салды. Десе де, жағдай алдыңғыдай емес, жергілікті кәсіпкерлер сақтық шараларын сақтап жұмыс істеуіне рұқсат. Осы орайда «Ashyq» мобильді қосымшасының септігі тиюде. Өйткені тұрғындардың індет жұқтырғанын анықтайтын бірден-бір көмекші болып отыр.
Сұлтан Оразбек фитнес саласында бапкер болып жұмыс істейді. Осындағы қызметі арқылы кәсібін дөңгелетіп, табыс тауып жүр. Алайда, әлемді жайлаған індет жас бапкердің жұмысына әсер етті. Сондықтан ол жобаның жүзеге асып жатқанына дән риза. Өйткені бұл бизнесті жүргізуге мүмкіндік береді деп санайды.
Өзге де шағын кәсіп иелері карантин талаптарын сақтап жұмыс ітеуде.Кейбір сән салондарында «Ашық жобасы орнатылмаған, алайда басшысы қосымшаға тіркелеміз, дейді.
Айта кетейік, «Ашық» жобасына қатысуға ниетті кәсіпкерлер «info.kazakhstan» сайты арқылы өтініш береді. Сонан соң, оларға арнайы QR код беріледі. Сәйкесінше әр кәсіпкерлік нысанның кіреберісіне QR код жүйесі орнатылады. Келушілер мобильді қосымшаны алдымен телефонға жүктеп, нөмірі бойынша тіркелуі тиіс. Кейін QR-кодты сканерлеп, ЖСН нөмірін енгізеді. Сол кезде 4 түстің біреуі жанады.
