Әне-міне дегенше, биылғы оқу жылы аяқталып, балалардың көптен асыға күткен кезекті жазғы демалыстарына шықты. Бәрінің мақсаттары бір, ол – жазғы демалыстарын көңілді өткізу.
2022 жыл – Балалар жылы аясында оқушылардың жазғы уақыттарын тиімді пайдалану мақсатында мектеп жанынан ашылған жазғы лагерлер жүйелі түрде жұмысын бастап кеткен.
30 мамырда басталған лагерге Ордабасы ауданы бойынша 12 908 бала демалды. Жалпы ауданда 61 мектептің 44 жалпы орта мектебінің асханасы талапқа сай жұмыс жасауына байланысты, демеушілер есебінен бір мезгіл ыстық тамақпен қамтылған.
Сонымен қатар, әлеуметтік аз қамтамасыз етілген, атаулы арнайы көмек алатын, үздік оқушы және бір сөзбен айтқанда арнайы есепте тұратын 1000 оқушы облыстық адами әлеуетті дамыту басқармасы арқылы қаржы қаралып, қала сыртындағы лагерлерге демалдыру жоспарлануда.
Бұдан бөлек «Туған жер» бағдарламасын жүзеге асыру мақсатында «Туған жерге тағзым» аясында бір күндік және көпкүндік жорықтар мен саяхаттардың ұйымдастырылуы жоспарда бар. 156 бала туристік түрлі үйірмелерге қатысатын және 100 бала аудандық «Өнер» мектебінде оқыйтын балаларды қоса есептегенде жалпы 5300 баланың сынып жетекшілері мен ата-аналарын бірге саяхаттау жоспарға сәйкес ұйымдастырылады деп күтілуде.
Облыстық адами әлеуетті дамыту басқармасының кестесіне сәйкес Республикалық «Балдәурен-Түркістан» «Балдаурен-Қапшағай» оқу сауықтыру орталығына осыған дейін ауданымыздан 61 бала барған болатын. Алдағы уақытта 25 бала жіберіледі деп жоспарлануда.
Жалпы алғанда ауданымызда мектеп жанынан ашылған лагерлер мен қала сыртындағы ақысыз демалалдыру биылғы жылға 86,6 пайызды құрап отыр.
Сонымен қатар, лагердегі балаларға қуаныш сыйлау мақсатында аудандық білім бөлімімен бірлесе отырып, мәдениет үйінің өнерпаздары дайындаған концерттік іс шарасы кестеге сәйкес жүргізілді.
Ауылдық мектептер мен аудан орталығында ұйымдастырылған шарада тәтті балмұздақ пен отандық «Сақ» мультфильмін балаларға ұсынып, демалыс кездегі әрбір сәт санасында мәңгі жақсы естелік болып қалуына өз үлестерін қосты. Бар бақыттың бастауы – балалардың қуанышына жететін сәт болмаса керек-ті.
