Бүгін Түркістан облысы Қоғамдық денсаулық басқарма басшысы Марат Пашимов облыстық балалар ауруханасының жоғары санатты травматолог- ортопед дәрігері, медицина ғылымдарының кандидаты Еркебай Бектаевке «Ерен еңбегі үшін» медалін табыс етті.
Сондай-ақ басқарма басшысы облыстық клиникалық аурухананың жансақтау бөлімшесінің меңгерушісі Алмас Мамировке «Құрмет» орденін тапсырды.
Айта кетейік, Еркебай Бектаевтың денсаулық саласындағы еңбек өтілі 29 жылды құраса, Алмас Мамировтің еңбек өтілі – 37 жыл.
Түркістан облысының медицина мамандары облыс әкімінің қолдауымен АҚШ мемлекетінің Харвест қаласында біліктіліктерін арттырып келген болатын. Дәрігерлер BLS, ACLS, PALS бағдарламалары бойынша жедел медицина нұсқаушыларын даярлау тақырыбында білім алып, жүрек-өкпе реанимациясына және жүрек-қан тамыр ауруларын жедел емдеуді, неонаталды кезеңде адам өмірін сақтап қалу бойынша білімдерін шыңдады.
Америка Құрама Штаттарына Түркістан, Кентау қалаларынан және Ордабасы, Жетісай аудандарынан 11 медициналық қызметкер барып келген-ді. Енді бұл мамандар алған білімдері мен тәжірибелерін әріптестеріне үйретуде.