Түркістан қалалық “Жастар ресурстық орталығының” қызметкерлері мен және Түркістан облысы Сыбайлас жемқорлыққа қарсы қызмет орталығының мамандарының қатысуымен «Tedx» форматында кездесу ұйымдастырылды. Кездесу барысында сыбайлас жемқорлыққа оның ішінде тұрмыстық жемқорлықты жою, мемлекеттік көрсетілетін қызметтерді оңтайландыру және сыбайлас жемқорлықтың алдын алу, ашықтықты, қолжетімділікті қамтамасыз ету бойынша сөз қозғалды.
ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департаментінің тапсырмасына сәйкес, Түркістан қаласында сыбайлас жемқорлыққа қарсы мәдениетті қалыптастыруға арналған 2022 жылдың кешенді іс-шаралар жоспары бекітіліп, дербес бөлімдермен орындалуда.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы 12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларын сәйкес, ішкі талдау жүргізілуде. Ішкі талдау нәтижелерімен бөлімдерді тексеру барысында жолаушылар көлігі және автокөлік жолдары бөліміне ішкі талдау жүргізудің нәтижелері жаман емес.
