Мемлекет басшысы Парламент палаталарының төрағалары және Премьер-Министр, Парламент Мәжілісін таратумен қоса мәслихат депутаттардың өкілеттігін мерзімінен бұрын тоқтату жөнінде кеңес өткізді.
Биыл 19 наурыз күні Парламент сайлауын өткізу Мемлекет басшысы өткен жылдың қыркүйек айында жариялаған саяси жүйені қайта бастау үдерісінің жалғасы болып отыр. Бірінші кезең ретінде Қ.Тоқаевтың реформалық бағыты төңірегінде топтастырылғанын паш еткен президенттік сайлау болды. Мемлекеттік институттарды қайта іске қосудың келесі қадамы Қазақстан Республикасы Парламенті Мәжілісі мен барлық деңгейдегі мәслихаттар депутаттарының кезектен тыс сайлауы. Соңғы кезеңі жаңа министрлер кабинетін жасақтау болады. Парламент және мәслихаттар сайлауына 7 партия қатысуға ниетті. Келе жатқан сайлауда әйелдердің, жастардың және мүмкіндігі шектеулі жандардың кемінде 30 пайызы ұсынылуы керек.
Соңғы 20 жылда елімізде жаңа партия тіркелмеген. 2022 жылдың 28 қарашасында «Байтақ» партиясы, 2023 жылдың 18 қаңтарында «Республика» партиясы тіркелді. Бұл ретте саяси партияны тіркеу мүмкін емес деген пікірдің негізсіз екенін көрсетіп отыр. Осы тіркелген екі жаңа саяси партия жарияланған парламенттік сайлауға қатысуға мүмкіндік алды. Осылайша, саяси модернизацияның жарияланған бағыты, оның ішінде жаңа сайлау механизмі: аралас жүйе арқылы нақты іске асырылуын жалғастыруда.
Сайлаудың мажоритарлық жүйесі енгізіле отырып, депутаттық мандатынан айырудың қосымша негізі – бір мандатты сайлау округі бойынша сайланған Мәжілістің дұрыс жұмыс істемейтін депутатын кері қайтарып ала алады.
Жыл жаңару уақыты Наурызда өтетін сайлау еліміздің саяси алаңында жаңа леп алып келеді деген сенімдеміз.
Ұлжалғас ӘБІЛДАХАН,
мәдениет саласының қызметкері
