Ағымдағы жылдың 18-19 ақпан күндері аралығында Жетісай қаласы, Д.Қонаев мектебінде 15 ақпан – Кеңес әскерлерінің Ауғанстан жерінен шығарылғанына 34 жыл толуына орай волейболдан 2010-2011 жылы туылған жасөспірім ұлдар арасындағы “Жетісай спорт клубы” КММ-нің ашық біріншілігі болып өтті.
Ашық біріншілік жасөспірімдер арасында салауатты өмір салтан насихаттау және 15 ақпан – Кеңес әскерлерінің Ауғанстан жерінен шығарылғанына 34 жыл толуын атап өту мақсатында ұйымдастырылған. Сонымен қатар, жас спортшылар арасынан Түркістан облысы чемпионатына үздік спортшыларды іріктеу және спортшылардың дайындығын шыңдау үшін өткен.
Аталмыш біріншілікке жалпы саны 6 команда қатысып, бақ сынады. Жеңімпаз болған командаларды атап айтар болсақ: І орын – Жетісай спорт клубы командасы
ІІ орын – Жетісай СК командасы, ІІІ орын – Келес Абай командасы иеленді. Жеңімпаз болған командалар медаль және арнайы дипломдармен марапатталды.
Айта кетсек, Волейбол ойынының кіндік кескен ортасы – Американың Гелиоке қаласы. Бұл 1895 жылы болған оқиға еді. Колледж оқытушысы Вильям Морган сабақ кезінде теннис орнын екі сырыққа бойлап жоғары көтеріп қойып, оқушыларға допты екі жаққа допты алма-кезек лақтырып ойнауды көрсетіп, оны оқушылардың да қайталауын талап етеді. Волейбол — деген сөздің мағынасы “ұшатын доп”. 1896 жылы волейбол ойыны көпшілік назарына ұсынылды, ал 1897 жылы бұл ойынның ережесі жасалынды. Волейбол ойынының Европа мемлекетіне таралуы ХХ ғасырдан басталған. Волейбол – біздің халқымыз арасында ХХ ғасырдың 30-жылдарынан бастап кең жайыла бастаған ойын.Волейбол ойынаушы 12 адамнан тұратын екі команда, миллионға жуық көрермендерді өз төңірегіне жинай қызықтататын керемет спорт ойыны.
1964 жылы Токио олимпиадасынан бастап волейбол ойыны олимпиадалық спорт түрі ретінде танылды. Ал дүние жүзінің кубогы үшін күрес 1965 жылдан бастап өткізіліп келеді. Қазақстан волейбол тарихында алғаш рет КСРО-ның еңбек сіңірген жаттықтырушысы атанған Октябрь Қыдырбай ұлы Жарылқапов. Оның шәкірті Заңғар Жаркешов жетекшілік еткен Қазақстанның “Буревестник” командасы 1969 жылы КСРО –ның чемпионы, 1970-1971 жылдары волейболдан Европа кубогын жеңіп алған.
Өңірдегі жерлестерімізге жоғарыдағыдай дәрежеде өнер көрсетіп, жүлделі болуларына тілектеспіз.
