№2 аумақтық сайлау округінен Түркістан облыстық мәслихат депутаттығына үміткер
ШАЛТАН ЕРКІНБАЙ КЕРІМБАЙҰЛЫ
САЙЛАУАЛДЫ БАҒДАРЛАМА
Облыс тұрғындарының әл-ауқатын, әлеуметтік-экономикалық жағдайын жақсарту;
Ауылшаруашылық құрылымдарын ірілендіру, ауылшаруашылық өнімдерін өндіру, өңдеу, сақтау, сапасын көтеру;
Өңірдегі медициналық қызметтің сапасын көтеруге күш салу;
Бюджеттен бөлінген қаржының мақсатты жұмсалуын қатаң қадағалау, сыбайлас жемқорлыққа қарсы күрес механизмдерін күшейту;
Өңірдегі білім ордаларының материалдық-техникалық базасын нығайту, білім саласының барлық қабаттарындағы қызметкерлерге әлеуметтік қолдау көрсету;
Ардагерлердің, мүмкіндігі шектеулі азаматтардың, әлеуметтік жағдайы төмен отбасылардың әлеуетін көтеру, әлеуметтік мәселелердің оң шешім табуын жүзеге асыру;
Облысымыздың ғалымдарына, өнертапқыштарына ерекше қолдау көрсету, оларды кезектен тыс тұрғын үймен қамтамасыз ету механизмдерін жүйелендіру;
Жастарды радикалды діни ағымдардың ықпалына еруден сақтандыру, жастар тәрбиесін басты назарда ұстау, білімге, ғылымға ұмтылушы талабы мол, талантты жастарға қолдау көрсету;
Жастардың бос уақытын тиімді өткізуге жағдай туғызу, интеллектуалды клубтар жұмысын дамыту, ауылды жерлерде ашық спорт алаңдарын жасау, тұрғындар арасында бұқаралық спорттың дамуына ықпал ету;
Тарихи-мәдени орындармен мұражай, кітапхана жұмыстарын жандандыруға ерекше қолдау көрсету, ұлттық құндылықтарымызды әспеттеу арқылы ұрпақ бойында отансүйгіштік сана қалыптастыру;
Елді-мекендерді абаттандыру, жарықтандыру, көркейту, көгалдандыру, елді-мекендерде жеміс ағаштары мол бау-бақшалар отырғызу;
Азаматтардың шағын және орта кәсіпкерлікпен айналысуына, жеңілдетілген несие алуына қолайлы жағдай туғыза отырып, жұмыс көздерін көбейтуге мүмкіндік жасау;
Жұмыссыздықты жою мақсатында жас мамандардың жұмысқа орналасуына ықпал ету;
Жаңадан отбасы құрған жастарға, егіз, үшем, төртем дүниеге әкелген алтын құрсақ аналарға бюджеттен қаржылай көмек бөлінуіне ықпал ету;
Елді-мекендердегі жайылым, шабындықтарды қалыпты сумен қамтамасыз етуге, су қоймаларының қорындағы суды тиімді пайдалануға ықпал ету;
Аймақта өндіріс орындарының көптеп ашылуына, отандық өнімдердің өңірімізде молынан өндірілуіне ықпал ету, күш салу.
