Түркістан қаласының тұрғындарының назарына интернеттегі қауіпсіздік интернеттегі қауіпсіздікті жөнінде ақпапаттарды ұсынамыз. Интернеттегі қауіпсіздік қамтамасыз ете алады, соның ішінде әртүрлі алаяқтар мен түрлі кибершабуылдардан, жеке деректердің жария болып кетпеуінен қорғай алады.
Қазақстанда биылғы 3 айдың ішінде 4 мыңнан аса интернет алаяқтық тіркелді. Бұл туралы криминалдық полиция департаменті киберқылмысқа қарсы күрес орталығының бастығы Жандос Сүйінбай мәлімдеді. Ресми мәліметке сәйкес, алаяқтардың құрбаны болған адамдар 3 млрд теңгеден аса шығынға батқан.
«Алаяқтық жасаудың ең көп тараған тәсілі – онлайн сауда. Ол белгілі сауда алаңдарының сайттарында, сондай-ақ әлеуметтік желілер мен мессенджерлерде жарнамаларды орналастыру арқылы жүзеге асырылады. Алаяқтар тауарға немесе қызметке төмен баға көрсетіп, алдын ала немесе толық төлемді сұрайды. Биыл осындай 2 мыңнан аса қылмыс тіркелді», – деді орталық бастығы онлайн брифингте.
Жалпы, алаяқтардың құрбаны болмау үшін бірнеше қарапайым сақтық шарасын ұмытпау керек.
Олар:
– тексерілген жарнама сайттарын пайдалану;
– тауарды алғаннан кейін төлем жасау;
– тауардың бар екеніне көз жеткізу.
Ал сатушы басқа қалада болса, тауарды таныстар немесе туыстар арқылы жіберуді сұрауға болады.
Қазақстанда киберщит 2016 жылы әлеуметтік желіде адам өміріне қауіп төндіретін интернет ойынның пайда болуынан кейін қолға алынды. 2017 жылы Қазақстанның экс-президенті Нұрсұлтан Назарбаев қауіпсіздік сертификатын қамтитын “Қазақстанның киберқауіпсіздігі” бағдарламасын әзірлеуді тапсырды. Ұлттық қауіпсіздік комитеті қауіпсіздік сертификатын отандық мамандар әзірлегенін, шетелдіктердің бұл іске тартылмағанын айтты. Сондай-ақ, қабылданған тұжырым халықты ақпараттық-коммуникациялық технологиялар мәселелерімен хабардар етуді, ақпараттық қауіпсіздікті басқаруға қабілетті жоғары технологиялық мемлекеттік жүйені құру, табиғи және техногендік сипаттағы төтенше жағдайлар, төтенше немесе соғыс жағдайыларын енгізудің алдын алу және жедел ден қою мәселелерін қарастырады.
