Қазақстан Республикасы Цифрлық даму, инновациялар және аэроғарыш өнеркәсібі министрлігінің мәліметінше, 2023 жылы Қазақстанның венчурлық нарығы айтарлықтай өсіп, қаржыландыру және инвестициядан шығу деңгейі рекордтық көрсеткіштерге жетті. Жалпы жасалған мәмілелер саны – 55, инвестиция көлемі 80 миллион доллардан асты, бұл көрсеткіш соңғы алты жылда бес есеге артқанын көрсетеді.
Венчурлық инвестициялардың негізгі алушылары Қазақстанның келесі жобалары болды: OneVision, Clockster, Easytap, CTOgram, CerebraAI, UvU, Kwaaka, BPMTracker, Porte, Hero’s journey, Codiplay, JobEscape және басқалар.
FinTech инвестиция көлемі бойынша көшбасшы болып қала береді, бұл оның инновациялық әлеуетін және инвесторлар үшін тартымдылығын көрсетеді. Мысалы, Prosper Pay – еңбекақы күніне дейінгі қол жеткізуді қамтамасыз ететін инновациялық қызмет, ол дәстүрлі қаржы қызметтерін түбегейлі өзгертеді. Электрондық коммерция платформалары мен нарықтары да ірі корпорациялардың инвестицияларының арқасында айтарлықтай өсті.
Қазақстанның венчурлық нарығының негізгі ойыншылары: Most Ventures, Big Sky Capital, Tumar Venture Fund, EA Group, Quest Ventures, Jas Ventures, Nomad VC, Activat VC, 500 Ventures, Qazaqstan Investment Corporation, MyVentures, Tech Garden Ventures, Almak Capital Investment Firm, Falconry, InDrive, New Ventures, Baiterek Venture Fund, QazTech Venture.
Еске сала кетсек, Мемлекет басшысы Қасым-Жомарт Тоқаевтың еліміздегі су тасқыны жағдайына байланысты ірі іс-шаралардан бас тарту туралы тапсырмасына сәйкес Digital Bridge 2024 халықаралық ІТ-форумын өткізбеу туралы шешім қабылданды. Форумды өткізу Астанада осы жылдың 5-7 қыркүйегіне жоспарланған болатын.
Биыл алтыншы рет өткізу жоспарланған Digital Bridge 2018 жылы басталып, IT-индустрияның соңғы тенденциялары мен даму перспективаларын талқылауға арналған Орталық Азиядағы ең ірі алаң болды. Айта кету керек, 2020 жылы форум төтенше жағдайда – жаһандық COVID – 19 пандемиясына байланысты өткізілмеді.
Биыл көктемдегі су тасқыны Қазақстандағы соңғы 80 жылдағы ең ірі табиғи апат болды. Осыған байланысты, ауқымды қиратулардың салдарын жою және ел азаматтарына көмек көрсету үшін қаражатты үнемдеу мақсатында Мемлекет басшысы Үкіметке жоспарланған имидждік және басқа да ірі іс-шараларды өткізуден бас тартуды тапсырды.
Digital Bridge ұйымдастырушылары – ҚР цифрлық даму, инновациялар және аэроғарыш өнеркәсібі министрлігі және Astana Hub халықаралық технопаркі форумға қатысуға мүдделі барлық адамдарға алғыс білдіреді. Қолайлы жағдайларда Digital Bridge халықаралық IT-форумы өз жұмысын 2025 жылы қайта бастайды.
