Қазақстан алуан түрлі, сонымен қатар тамаша табиғатымен ерекшеленеді. Қар басқан асқар таулардан Каспий теңізіне дейін – Орталық Азияның ең ірі елдерінің бірі тек табиғи ғана емес, сондай-ақ мәдени әртүрлілігімен таң қалдырады, бұл сізге тарих қойнауына сүңгіп, инновацияларға сусындауға мүмкіндік береді. Енді сіз де дәстүр мен заманауи рухтың бірегей үйлесіміне ене аласыз, өйткені біз Қазақстанда Street View жобасын іске қостық!
«Қазақстанда Street View енгізу бойынша Google-мен серіктестігіміз-алға жасалған үлкен қадам. Kazaerospace компания google street view жобасының серіктесі және аймақтарда, жолдарда техничкалық жұмыстар жүргізді және 360 бейнелерін жасады, әрине бұл еліміз үшін үлкен артықшылық. Өйткені мұндағы адамдардың смартфондар мен YouTube және Gmail сияқты Google өнімдерін пайдаланады. Біз жақында YouTube Premium-ді іске қостық, енді жаңа Google қызметін жариялаймыз. Street View-ді қосу навигацияны жақсарту, туризмді ынталандыру және барлығына әдемі пейзаждарымыз бен қалаларымызға виртуалды саяхат ұсыну арқылы елімізді байытады. Бұл тұрғындар үшін де, қонақтар үшін де ойын ережелерін өзгертіп, Қазақстанды бүкіл әлем үшін қолжетімді әрі тартымды етеді», – деп атап өтті ҚР цифрлық даму, инновация және аэроғарыш өнеркәсібі министрі Бағдат Мусин.
Қазақстанның бар сұлулығын суретке түсіру үшін біз пикап көліктеріне орнатылған арнайы әзірленген трекерлерді қолдандық, бұл бізге жолдың кез келген түрімен оңай жүруге мүмкіндік берді. Street View көліктері 42 000 километрден астам жол жүрді (экватордың ұзындығынан да ұзағырақ!), қарқынды қалаларды аралап, Қазақстанның таңғажайып пейзаждарын аралап өтті. Енді еліміздің тұрғындары, сондай-ақ әлемнің түкпір-түкпіріндегі адамдар әртүрлі жерлерді, мысалы, Семей, Көкшетау, Ақтөбе, Алматы, Қонаев және т.б. қалаларды виртуалды түрде тамашалай алады.
Қысқа аялдама кезіндегі Street View көліктерінің бірі
“Қазақстанда Google Street View жобасының іске қосылуы Google Карталарында сапасын айтарлықтай ұлғайтады және қосымша мүмкіндіктер береді, бұл шағын және орта бизнеске үлкен пайда әкеледі. Біздің көптеген нарықтардағы тәжірибеміз Google Street View туризмді ынталандыруға үлес қосатынын көрсетеді, өйткені туристер саяхат туралы шешім қабылдағанға дейін барғысы келетін жерді зерттейді. Біз үшін бұл жобаны іске қосу – Қазақстанның барлық сұлулығын, алуан түрлілігін, мәдениетінің тереңдігі мен табиғи байлығын көрсету мүмкіндігі”, – деді Ольга Скороходова, Орталық Азиядағы Google компаниясының үкіметпен байланыс және мемлекеттік саясат бөлімінің басшысы.
Біздің Street View көліктеріміз Қазақстанды кесіп өткенде, олар сауда және мәдениет өзегі болған Ұлы Жібек жолы саудагерлерінің жолымен жүрді. Сауда жолында шешуші рөл атқарған Сары-Ағаш, Шымкент және Тараз сияқты қалалардың айналасындағы маршруттардың кескіндерін жаңартудың арқасында біз кәсіпорындар мен көлік қызметтерін жеткізушілер үшін бұл ақпараттың қолжетімділігін қамтамасыз ете отырып, Қазақстанның цифрлық трансформациясы мен экономикалық дамуына ықпал етеміз.
Қазақстан бай мәдениетке ие, сондықтан біз Street View саяхатшыларына аймақтың тарихымен танысуға және еліміздің ең қызықты нысаналарын іс жүзінде зерттеуге көмектесуге қуаныштымыз. Street View кескіндері Google Maps қолданбасын одан әрі жетілдіруге қалай көмектесетіні туралы қосымша ақпаратты осы жерден оқи аласыз. Компьютерден Google Maps қолданбасындағы сары Street View белгішесін басу немесе мобильді құрылғыдан көрсетілген жердің 360 градустық фотосуретін таңдау арқылы Қазақстанның соңғы суреттеріне қол жеткізуге болады.
