ҚР Цифрлық даму, инновациялар және аэроғарыш өнеркәсібі министрі Жаслан Мәдиев “Азаматтарға арналған үкімет” мемлекеттік корпорациясы” КЕАҚ-да кеңес өткізді.
Министр халықтың цифрлық кеңсесінің жұмысымен және мемлекеттік корпорацияның жобаларымен танысты.
Азаматтарға арналған үкімет өкілдері цифрлық кеңсені жарақтандыру қағидаттарын және ХҚКО постаматтарының жұмысын таныстырды. Сондай-ақ, ахуалдық орталықтың қызметі көрсетілді, ол Астанада да, өңірлерде де ХҚКО-лардың жүктемесін онлайн режимінде көруге көмектеседі. Бүгінде көшіп-қонушылардың ағынына байланысты Алматы облысы ең қарқынды болып табылады.
Министр ХҚКО-ның жұмыс жүктемесін жеңілдетуді және азаматтардың күту уақытын азайтуды тапсырды.
Сондай-ақ, жылжымайтын мүліктің бірыңғай мемлекеттік кадастрының ақпараттық жүйесі ұсынылды, бұл өзекті міндет болып табылады.
Кеңесте Мемлекеттік корпорацияның тиімділігін арттыру бойынша алдағы жоспарлар мен шаралар талқыланды.
Жалпы елімізде бірыңғай ақпараттық жүйесі арқылы мемлекеттік қызмет түрлерін онлайн алуға мүмкіндік туды, қажетті құжаттар тізбесі көбейді. Әсіресе, Egov Mobile қосымшасымен мемлекеттік қызмет түрлерін алуға болады.
Қазір сіз өз пәтеріңізден шықпай-ақ қызметтерді алуға сұраныс жасай аласыз. Ол үшін электрондық-цифрлық қолтаңба (ЭЦҚ) болуы қажет, оның көмегімен мемлекеттік қызметтің 90 пайызын ала аласыз. Электронды түрде қызмет көрсету сыбайлас жемқорлық тәуекелдерін төмендетіп, мемлекет пен азаматтардың қаржылық шығынын қысқартып, адами факторды азайтады. Еліміз электронды үкімет пен финтехті дамыту индексі бойынша әлемдік көшбасшылардың қатарында.
Еске сала кетсек, республика бойынша 20 филиал, 353 фронт-офистер, 446 бэк-офистер жұмыс істеуде.
