Түркістандық тұрғындардың назарына Қазақстан халқы Ассамблеясының «Мемлекеттік тіл – этносаралық қатынас тілі» жобасы аясында 2024 жылғы 5 қыркүйекте Қазақстан Республикасы Мәдениет және ақпарат министрлігі облыс әкімдіктерімен бірлесіп, Қазақстан халқы Ассамблеясының жылсайынғы жалпы қазақстандық ашық диктанты өткендігін хабарлаймыз .Іс-шара қазақтың біртуар перзенті Тұрар Рысқұловтың 130 жылдық мерейтойына және Қазақстан халқы тілдерінің күніне орайластырылған. Жалпықазақстандық ашық диктантты өткізудің мақсаты – мемлекеттік тілдің Қазақстан халқын біріктіруші фактор ретіндегі қоғамдық рөлін күшейту, сондай-ақ «Мың бала» атты ҚХА мәдени-ағартушылық жобасын жүзеге асыру.Аталмыш іс-шара қоғамдық келісім мен жалпыұлттық бірлікті сақтауға және нығайтуға, өскелең ұрпақты патриоттық рухта, рухани-адамгершілік құндылықтарға тәрбиелеуде септігін тигізері сөзсіз. Айта кету керек, бұл іс-шара бір уақытта еліміздегі бірнеше мемлекеттік мекемелерде, білім беру ұйымдары мен Достық үйлерінде өтті. Оған этномәдени бірлестіктер мен Қазақстан халқы Ассамблеясының мүшелері, жастар ұйымдарының өкілдері, сондай-ақ студенттер мен мектеп оқушылары қатысты.
Қазақстанның теңдестірілген этносаралық саясаты демократияның тұжырымдамалық негіздерін құрайды. Бірақ демократия, біз білетіндей, басқаша. Бұл жағдайда қазақстандық демократия этносаралық қатынастардағы принциптерді бөлу парадигмасынан интеграциялық қатынастарды біріктіру принциптеріне айналды. Біз тәуелсіз ел атанған соң бейбітшілік пен келісімнің қазақстандық үлгісі заңнамаға, мемлекеттік және азаматтық бастамаларға, сондай -ақ азаматтық қоғам институттары мен мемлекет арасындағы сындарлы диалог негізінде қалай байып, дамығанын көрдік. Сонымен қатар, осы салыстырмалы қысқа уақыт ішінде, іс жүзінде, мүмкін болатын іске асыру тұрғысынан оларды шешуді және талдауды қажет ететін көптеген мәселелер жинақталды.
Сонымен қатар, Президент Қасым-Жомарт Тоқаев Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында Қазақ тілі уақыт өте келе этносаралық қатынас тіліне айналатынына сенімді екендігін айтқан болатын.
“Жер жүзінде бәрімізді алаңдатын түрлі оқиғалар болып жатыр. Біртұтас ұлт ретінде дәл осы кезде біздің мақсатымыз да, ниетіміз де бір болуға тиіс. Қоғамда ұлтына қарай ерекшеленуге, оқшаулануға ұмтылған кез келген әрекетке, әсіресе, азаматтарды тіліне, ұлтына, дініне немесе мәдениетіне бола арандатуға, я болмаса кемсітуге мүлде жол бермейтін орта қалыптастыру маңызды”, – дейді Президент.
Қасым-Жомарт Тоқаев тіл мәселесі көптеген мемлекет үшін өзекті мәселенің бірі екенін атап өтті.
“Осы мәселенің дұрыс шешілуі кез келген елдегі қоғамдық-саяси ахуалдың тұрақтылығына едәуір ықпал ететінін тарихтың өзі көрсетіп отыр. Қазақстанда да солай. Біз осы аса шетін мәселеге келгенде сыртқы-ішкі факторларды ескере отырып, стратегиялық ұстамдылық және толеранттық танытуымыз қажет. Бірақ бұл біздің мемлекеттік тілді жан-жақты дамытуға баса назар аударатынымызды жоққа шығармайды. Мен қазақ тілі уақыт өте келе этносаралық қатынас тіліне айналатынына сенімдімін. Біз біртіндеп осыған келе жатырмыз. Мемлекет олардың түрлі жетістіктеріне, соның ішінде саяси сипаттағы табыстарына да назар аударады және оларды барынша қолдайды. Бүгін осындай бірқатар азаматқа марапат тапсырылады”, – деді мемлекте басшысы.
