Еліміздің Тәуелсіздік жылдарында біз Қазақстан Республикасындағы демократиялық үдерістерді дамыту және қазақстандық қоғамды жаңғырту қазіргі жағдайда азаматтық бейбітшілікті сақтауға, этносаралық және конфессияаралық қатынастарды үйлестіруге ,әлеуметтік-саяси тұрақтылықты нығайтуға ықпал етуге бағытталған толеранттылық мәдениетін қалыптастыру және қоғамдық санада дамыту блогына қол жеткізілгеніне көз жеткізе алдық. Қазақстанда діни толеранттылық ерекше маңызға ие. Түркістан облысының тұрғындарының назарына еліміздегі қоғамдық және ұлтаралық келісімнің маңыздылығын ұсынамыз.
Біз қазақ халқының санғасырлық дәстүрін, тілі мен мәдениетін сақтап, түлете береміз. Сонымен қатар ұлтаралық және мәдениетаралық келісімді, біртұтас Қазақстан халқының ілгері дамуын қамтамасыз ететін боламыз. Бұл қағидат Қазақстанның ел бірлігі доктринасының шеңберінде де жүзеге асырылуда – ұлтына, шығу тегіне, нәсіліне, тіліне, діни сеніміне, сондай-ақ қандай да әлеуметік топқа немесе қоғамдық ұйымдар мен партияларға жататынына қарамастан, адам мен азаматтың құқығы мен бостандығы теңдігін қамтамасыз ету.
Аталған дүниетанымдық ұстаным Қазақстан қоғамының саяси, мәдени және рухани-адамгершілік басымдықтары мен құндылықтық бағдарын айқындайтын негіз болып табылады. Әрбір нақты кезеңде ол байытылады, толықтырылады, нақтыланады, бірақ оның мәні бір болып қалады – көпэтникалық Қазақстанда әрбір адам оның этникалық, діни, нәсілдік және өзге де тиістілігіне қарамастан өзін еркін, қорғалған және өз болашағына сенімді сезінуі тиіс.
«Ұлтаралық және конфессияаралық татулық Қазақстандық біртұтастық пен жалпы қазақстандық патриотизмді қалыптастырудағы еліміздің келісімдік үлгісі болды деп айтсақ артық болмас .Бұл конституциялық реформа аясында Қазақстан халқы Ассамблеясы жұмысының талап тұрығысында ұйымдастырылып,алдына қойған мақсат.«Ақтас» кенті «Ақ шаңырақ», қазақ халқының әдет-ғұрып», салт-дәстүрін қайта жандандыру бірлестігінің қазіргі таңда өзге ұлт өкілдерімен бірлесіп отырып мәдени-шаралар өткізіп отырғанына 20 жылдан асты. Атап айтсақ «Якташлар» татар-башқұрт этносы, «Актасские зори» ардегерлер хоры. Бүгінгі таңда ұлттық мерекелер Халқымыздың бейбітшілік пен келісімінің қазақстандық үлгісін әлемге танытушы айрықша дәстүрге айналды.Әрбір қазақстандық азамат үшін ұрпақтар сабақтастықғы арқылы тарихи қалыпттасқан татулық,сенім мен тең құқықтылық ең маңызды қасиеттер екенін дәріптейді.
Еліміздің барлық ұлттары мен этностар арасындағы шынайы келісім мен бірлікте тұрмыс кешуі, ең алдымен қазақ халқының ата-дәстүрі мен табиғи кеңпейілдігі,ұлттық дінінің кеңдігі арқасында.Халық бірлігі-мемлекеттілігі негізі қоғамдық бірлікті ту етіп ұстау арқылы ғана алдымызға болашағы күшті,өркендеп дамыған жаңа Қазақстанды құра аламыз және алға мақсаттар қоя аламыз.
Бүгінде Қазақстан өзінің гуманистік, демократиялық және толерантты сипатымен ерекшеленеді. Соның айқын бір көрінісі – ұлтаралық татулық пен келісімді сақтауды алдына мақсат етіп қойған Қазақстан халқы Ассамблеясының құрылуы. 1992 жылы желтоқсанда ел тәуелсіздігінің мерейтойына арналған Қазақстан халқының бірінші форумы тарихи тұрғыдан Қазақстан халқы Ассамблеясының негізін қалады. Қоғамдық институт 1995 жылы 1 наурызда сол кездегі Мемлекет басшысының жарлығымен Президент жанындағы консультативтік-кеңесші орган ретінде ірге қалады. Ассамблеяның басты мақсаты – Қазақстанның өркендеуіне ықпал ету, сонымен қатар патриотизмді, азаматтық бірегейлікті, бәсекеге қабілетті ұлтты дамыту және елімізде ұлтаралық келісімді орнату. Оның мәртебесі мен әлеуметтік жағдайы саяси, құқықтық және заңдық тұрғыдан уақыт өте келе қалыптасты. Осы орайда 2008 жылғы 20 қазанда арнайы қабылданған «Қазақстан халқы Ассамблеясы туралы» Заңды және Парламент Мәжілісіне Ассамблеядан өкілдерді (тоғыз депутат) сайлаудың ерекше мәртебесін атап өтуге болады.
Әр ұлттың жеке ерекшеліктері, сол ұлттың бірлігін тану, қабылдау мәдени құндылықтар жүйесін, тарихы мен тілін еркін дамыту арқылы жүзеге асады. Бүгінде елімізде 130-дан астам ұлт өкілі бар, олар ана тілін үйренуге, баспасөзге, бұқаралық ақпарат құралдарына қол жеткізуге мүмкіндік алды, олар өздерінің салт-дәстүрі мен әдет-ғұрпын осы күнге дейін сақтай отырып, ұлттық мерекелерін еркін тойлай алады.
Астанадағы Бейбітшілік және келісім сарайы есігін айқара ашты, мұнда қоғам қайраткерлері жиі жиналып, түрлі этнос өкілдері бас қосып тұрады. Ассамблеяның нақты міндеті құқықтық негізде жүйеленген. Айталық:этносаралық қатынастар саласында мемлекеттік органдармен және азаматтық қоғам институттарымен тиімді өзара іс-қимылды қамтамасыз етеді әрі қоғамда этносаралық келісім мен толеранттылықты нығайта түсу үшін қолайлы жағдай жасайды;халық бірлігін нығайту, қазақстандық қоғамның іргелі құндылықтары бойынша қоғамдық келісімді қолдау мен дамыту;экстремизм мен радикализмнің көріністеріне және адам мен оның құқықтарына, бостандықтарына қол сұғуға бағытталған әрекеттерге қарсы тұруда мемлекеттік органдарға жәрдемдесу;демократиялық нормалар негізінде азаматтардың саяси және құқықтық мәдениетін қалыптастыру.
Бүгінге дейін Ассамблея өзіне жүктелген сенім мен міндетті жауапкершілікпен атқарып келеді. Ұйымның белсенді мүшелерінің арасында патриоттық рухты істерімен дәлелдеп жүрген азаматтар да жетерлік. Түрлі ұлт өкілдері мемлекет ісіне, ғылымға, әдебиетке, білімге, өнерге, спортқа, бизнеске кеңінен атсалысып жүр.
Қазақстан халқы, оны құраушы қазақ ұлты қашанда адамгершілікке толы қасиеттерімен ерекшеленді. Тәуелсіздікті жариялаудың бастапқы кезеңінде отарлауды еңсерген қазақ халқы өз жерлестерін тағдырдың тәлкегіне қалдырған жоқ. Ұлттық бауырластыққа тәрбиелеу, Ассамблеяның бірегей институционалдық құрылым ретінде ашылуы, мемлекеттік деңгейде өзге халықтардың дамуына жан-жақты жағдай жасау – әлемде теңдесі жоқ тәжірибе екенін атап өткен жөн.Қазақстан халқы Ассамблеясы құрылған күннен бастап орасан зор әлеуетті жинақтап, халық дипломатиясы институтының үлгісіне бейімделіп, дамудың ұзақ жолын жүріп өтті. Еліміздегі 100-ден астам этностың басын біріктірген бірегей құрылым тұрақтылықты сақтап, республиканың дамуында маңызды рөл атқарды.
Қазақстан халқы Ассамблеясы Қазақстанның ұлтаралық қатынастар саласындағы саясатының табыстылығын бүкіл әлемге паш етуде.Жалпы, Ассамблея жұмысының арқасында елімізде этносаралық және конфессияаралық келісімнің бірегей үлгісі, әрбір азаматтың өз құқықтарын толық пайдаланып, еркіндікті сезіне алуы үшін ерекше сенім, ынтымақтастық және өзара түсіністік атмосферасы қалыптасты. Әрбір қазақстандыққа ұлты мен дініне қарамастан Конституциямен кепілдік берілген.
Республикада Қазақстанның барлық этностарының мәдениетін, тілін, салт-дәстүрін дамыту үшін барлық қажетті жағдайлар жасалған. Ассамблея қызметі Қазақстанның ұлтаралық қатынастар мәселелерін тиімді шешетін мемлекет ретіндегі халықаралық беделін арттыруға ықпал етуде. Әлі де осы қызметінен, мүддесінен таймайтыны анық.
