2025 жылы Түркістан облысының әлеуметтік-экономикалық дамуындағы басты бағыттардың бірі – тұрғын үй құрылысы саласы болып отыр. Облыстағы халық санының артуы, урбанизация процесінің жеделдеуі және инфрақұрылымдық қажеттіліктер тұрғын үйге деген сұранысты арттырды. Осыған орай, биыл өңірде 1060 мың шаршы метр тұрғын үй алаңын пайдалануға беру жоспарланған. Оның ішінде 410,2 мың шаршы метр көпқабатты тұрғын үй, ал 649,8 мың шаршы метр жеке тұрғын үйлерге тиесілі болмақ.
Сәуір айының қорытындысы бойынша 226,1 мың шаршы метр тұрғын үй пайдалануға берілген. Бұл – жылдық жоспардың шамамен 21,3 пайызы. Жылдың алғашқы төрт айында мұндай көрсеткішке қол жеткізу құрылыстың жоспарлы түрде жүргізіліп жатқанын көрсетеді. Алайда, жыл соңына дейін үлкен көлемде құрылыс жұмысын уақтылы әрі сапалы аяқтау қажеттілігі туындап отыр. Осыған байланысты облыс әкімдігі арнайы мәжіліс өткізіп, саладағы өзекті мәселелерді талқылады. Түркістан облысының әкімі Нұралхан Көшеров аудан және қала әкімдерінің орынбасарларына нақты тапсырмалар беріп, жұмыстың кешеуілдеуіне жол бермеуді қатаң ескертті.
Облыстық құрылыс басқармасы басшысының міндетін атқарушы Абай Тұрхановтың мәлімдеуінше, биылғы тұрғын үй құрылысын жүзеге асыру үшін 31,3 млрд теңге көлемінде қаржы бөлінген. Бұл қаражаттың ішінде кредиттік тұрғын үй құрылысына – 13,8 млрд теңге, арендалық тұрғын үй құрылысына – 2,0 млрд теңге, ал арендалық пәтерлерді сатып алуға – 15,5 млрд теңге бағытталған. Аталған қаржы әлеуметтік әлсіз топтарды тұрғын үймен қамтамасыз етуге және баспана кезегінде тұрған азаматтардың қажеттілігін өтеуге жұмсалады.
Қазіргі таңда Түркістан қаласының Әкімшілік-іскерлік орталығында бой көтеріп жатқан 29 тұрғын үйдің төртеуі (160 пәтер) толықтай аяқталып, пайдалануға берілген. Қалған 25 үйдің құрылыс жұмыстары 85 пайызға орындалған және оларды 2025 жылдың тамызына дейін кезең-кезеңмен тапсыру жоспарланып отыр. Сонымен қатар, Кентау қаласында салынып жатқан 60 пәтерлі 5 қабатты тұрғын үй құрылысы 95 пайызға жетіп, маусым айында қолданысқа беріледі деп күтілуде.
Облыс бойынша жалпы 8 арендалық тұрғын үйдің құрылысы жүріп жатыр. Бұл үйлерде 380 пәтер немесе 23,7 мың шаршы метр алаң қамтылады. Аталған үйлердің құрылысы аяқталғаннан кейін, баспанамен қамтылу деңгейі артып, әлеуметтік осал топтар үшін қолжетімділік қамтамасыз етіледі. Сонымен қатар, республика көлемінде биыл 5139 арендалық пәтер сатып алу жоспарланған болса, оның ішінде 578 пәтер Түркістан облысына бөлініп отыр. Бұл көрсеткіш өңірдегі кезекте тұрған азаматтар үлесіне сай анықталған.
Тұрғын үй құрылысының дамуы өңірдің жалпы әлеуметтік-экономикалық көрінісіне оң әсерін тигізуде. Біріншіден, құрылыс саласының жандануымен қатар, қосымша жұмыс орындары ашылып, халықтың еңбекпен қамтылуы артады. Екіншіден, инфрақұрылым нысандарының, атап айтқанда, сумен, электрмен, газбен қамту жүйелерінің дамуына серпін береді. Үшіншіден, тұрғын үй құрылысы мен инфрақұрылымның үйлесімді дамуы урбанизацияны реттеуге және өмір сүру сапасын арттыруға мүмкіндік береді.
Сонымен қатар, өңір басшысы Нұралхан Көшеров тұрғын үймен қатар, алдын ала инфрақұрылымды дайындау, жер телімдерін белгілеу және үйлестіру жұмыстарының жүйелі түрде жүруі тиіс екенін ерекше атап өтті. Бұл – тек құрылыс сапасын арттырып қана қоймай, қала мен ауылдардағы тұрғындар үшін қолайлы жағдай жасаудың басты кепілі.
Жергілікті тұрғындардың өмір сүру сапасын жақсарту мәселесі қоғамды дамытудың стратегиялық міндеті болып табылады. Бұл тұрақты әлеуметтік және экономикалық дамуды қамтамасыз ету, онда кейінгі ұрпақ бұрынғыға қарағанда ыңғайлы жағдайда өмір сүреді. Өмірдің қанағаттану дәрежесін анықтау үшін қанағаттанудың нақты деңгейі негізгімен салыстырылады: субъективті өзін-өзі бағалау және сыртқы объективті бағалау. Азаматтардың лайықты өмір сүруін қамтамасыз ету мемлекетті жоғары кірістермен қамтамасыз етеді, елдің өмір сүруінің тұрақтылығын, оның жағымсыз факторлардың әсерінен қорғалуын тудырады. Мемлекеттік билік халықтың өмір сүру сапасын жақсартудың жалпы қабылданған әдістерін қолданады, олар мыналарды қамтиды:бизнесті қолдау және ұйымдастыру;еңбекті ынталандыру;өнім немесе қызмет көрсету сапасымен жұмыс;еңбек қауіпсіздігі жағдайларын жасау; жұмыс күшін дамыту, біліктілікті арттыру;қолдау өзін-өзі таныту, индивидтің қорғалуы.
Адам өмірінің сапасы макроэкономикалық өсуге әсер етеді. Қоғамдық қызметтерге, әлеуметтік-экономикалық институттарға инвестицияланатын қаржы резервінсіз өмір сүру сапасын өзгерту мүмкін емес. Қоғамдағы макро және микроэкономикалық саясаттың бірлігін сақтау маңызды. Бұл екі бағыт ұзақ мерзімді перспективада оң нәтиже беру үшін бірлесіп жұмыс істеуі керек. Әйтпесе, бұрмаланулар пайда болады және өмір сапасын жақсарту мақсатына жету мүмкін болмайтындығына Түркістан облысы аса назар аударғандығын аңғаруға болады.
