Мемлекет басшысы Қасым-Жомарт Тоқаевтың әлеуметтік жағынан осал азаматтар үшін тұрғын үй мәселесін жеделдету мен тұрғын үй кезегінде тұрғандардың мәселелерін шешуді жылдамдату туралы тапсырмасы аясында өңірде бірқатар көпқабатты тұрғын үйлердің құрылысы аяқталып, ел игілігіне берілді. Осыған орай, облыс орталығында тұрғындарды баспанамен қамтамасыз ету бағытында нақты жобалар іске асырылып жатыр. Жаңа тұрғын үй кешендері бой көтеріп, кезекте тұрған отбасылар баспаналармен қамтамасыз етіліп жатыр. Осы ретте Түркістан қаласындағы «Жібек жолы» тұрғын үй кешенінде үйлердің кезекті құрылысы аяқталып, ел игілігіне пайдалануға берілді.
Түркістан қаласының тұрғын үй кезегінде 16 мыңнан астам азамат баспанаға мұқтаж ретінде тіркелген. Былтыр 961 отбасы баспанамен қамтамасыз етілсе, биыл 944 пәтерді иелеріне тапсыру жоспарлануда. Баспана мәселесін шешу үшін белсенді жұмыстар жалғасады.
Ашылу салтанатын облыс әкімі Нұралхан Көшеров қатысып, облыс орталығы тұрғындарының қуанышымен бөлісіп, 84 отбасына баспана кілттерін табыстады.
– Сіздерді келе жатқан Ұлттық домбыра және Астана күні мерекелерімен шын жүректен құттықтаймын! Тәуелсіздіктің тағы бір жемісі – Түркістан қаласының облыс орталығы атануы. Облыс орталығы атанғанына 7 жыл енді толса да Түркістан қаласы күллі түркі елдерінің рухани астанасына айналып, шаһарға арнайы заңмен ерекше мәртебе статусы берілді. Шаһардың күннен күнге ажарланып, дамуына өздеріңіз атсалысып, көркейіп келе жатқанына куә болып отырсыздар. Мереке қарсаңында мемлекеттің қамқорлығы сіздерді тағы бір қуанышқа бөлеп отыр. Мемлекет басшысының бастамасымен елімізде баспанамен қамту жұмысы жүруде. Бүгін қаламыздың тұрғындарына баспаналы болып, жаңа пәтерге қоныстану бақыты бұйырды. Біз баспанамен қамту жұмысын жалғастырамыз, – деді Нұралхан Оралбайұлы.
Сондай-ақ, жаңа қоныс иелеріне облыс әкімінің атынан пәтер кілттерімен қатар ұлттық аспабымыз домбыра сыйға тартылды. Баспана «әлеуметтік осал топ» санаты бойынша тұрғын үй кезегінде тұрған азаматтарға табысталды. Оның ішінде, 48-і көпбалалы отбасылар болса, «әлсіз топ» санатындағы отбасылар – 36. Баспаналы болып, Домбыра күні домбыраға ие болған тұрғындар қуаныштарын жасырмай, мемлекеттік қолдауға ризашылықтарын білдірді.
Мемлекет басшысы әлеуметтік жағынан осал топтағы азаматтарды тұрғын‑үймен қамту жөнінде берген тапсырмаларына Төменде тапсырмалардың негізгі бағыттарына «Тұрғын үй заңнамасын реформалау туралы» заңы жатады. Бұл заң тұрғын үй алу кезегіндегі ашықтықты арттыру, әлеуметтік қолдаудың әдістерін жаңғырту тетіктерін жетілдіру мақсатында әзірленген.
Мемлекеттік жалдамалы тұрғын үйлер мен пәтерлерді сатып алу, Әлеуметтік осал топтарға арналған тұрғын үйлер салынуда, әкімдіктер тарапынан пәтерлер сатып алу бағдарламалары іске асырылуда. Ипотека және бастапқы жарна бойынша қолдау. Мұқтаж азаматтарға ипотека бойынша бастапқы жарнаны жабуға тұрғын үй сертификаттары беріледі. Жалдау ақысын субсидиялау. Жалға алынған тұрғын үй үшін жалдау ақысын бір бөлігін жабу түрінде субсидиялар қарастырылған. Бағдарламалар арқылы тұрғын үй жағдайын жақсарту шаралары қолға алынған.