Түркістан қаласының индустриялық аймағында тоқыма саласына арналған жаңа өндіріс кешендері бой көтеріп жатыр. Бұл жобалар шетелдік және отандық инвесторлардың қатысуымен жүзеге асуда. Атап айтқанда, Түркия, Өзбекстан және Қытай мемлекеттерінен келген инвесторлар тоқыма өндірісін дамытуға септігін тигізуде. Жаңа зауыттарда заманауи жіп иіру, матаны өңдеу, бояу және тігін желілері іске қосылады. Бұл өндіріс ошақтары экологиялық талаптарға сай, сапалы және экспортқа бағытталған өнім шығаруға бейімделген.
Жалпы Түркістан облысында ауыл шаруашылығы мен өнеркәсіп қатар дамытып келеді. Соңғы жылдары бұл өңірде агроөнеркәсіп кешенін қайта өңдеуге басымдық беріліп, жаңа өндірістік қуаттар іске қосылуда. Соның бірегейі – «Түркістан Текстиль» ЖШС қолға алған маңдайалды мақта-мата кластері. Жобаның құрылыс барысымен облыс әкімі Нұралхан Көшеров арнайы барып танысты. Өңір басшысы кластердің экономикалық мән-маңызын атап өтіп, сапалы әрі жедел іске асыруды тапсырды.
Бұл еліміздегі ең ірі тоқыма кластерлерінің бірі болмақ. Жалпы құны 86,5 млрд теңгені құрайтын өндіріс кешенінде 2345 адам тұрақты жұмыспен қамтылады. Өз шикізатына негізделген ішкі өндіріс тізбегі қалыптасады және экспортқа бағытталған дайын өнімдер шығарылады. Жергілікті мақта өндірушілер үшін тұрақты өткізу нарығы пайда болады.
«Turkistan Textile» жобасы толық өндірістік циклге негізделген. Яғни, жоба аясында элиталық сұрыпты мақта тұқымын жергілікті жерде өсіру, жіп иіру, мата тоқу, киім тігу және дайын өнім өндіру мен ішкі нарық пен экспортқа шығару көзделген. Бұндай жүйе өңірдің ауыл шаруашылығы мен жеңіл өнеркәсібін тоғыстырып, макроэкономикалық көрсеткіштерді жақсартуға ықпал етеді. Бұл өз кезегінде облыстың ІЖӨ-сінің өсуіне, салық базасының кеңеюіне және жұмыссыздықтың төмендеуіне мүмкіндік береді.
Қазіргі таңда өндірістік корпустар мен жұмысшыларға арналған жатақхана құрылысы аяқталуға жақын. Бірінші кезеңнің өндірісін биыл іске қосу жоспарланған. Қалғаны келер жылдың соңына дейін кезең-кезеңімен пайдалануға беріледі. Бұл жобаны Қытайлық «Lihua Group» компаниясы қаржыландырып отыр. Компания халықаралық деңгейде жеңіл өнеркәсіп пен тоқыма өндірісі бойынша танымал инвестор.
Айта кетейік, тоқыма өндірісінің дамуы аймақта жаңа жұмыс орындарының ашылуына да оң ықпал етуде. Жүздеген азамат жергілікті жерден тұрақты жұмыспен қамтылып, әлеуметтік жағдайын жақсартуға мүмкіндік алмақ. Сонымен қатар, Түркістандағы колледждер мен оқу орындары өндірістік салаға қажетті мамандар даярлауды қолға алды. Білікті тігіншілер, технологтар, дизайнерлер мен инженерлерді дайындау үшін арнайы білім беру бағдарламалары енгізіліп отыр.
Облыс орталығында тоқыма өндірісінің дамуы — бұл тек экономикалық жобалар ғана емес, сонымен бірге өңірдің әлеуметтік тұрақтылығы мен мәдени өміріне серпін беретін маңызды фактор. Алдағы жылдары Түркістан Қазақстанның тоқыма орталығына айналып, сапалы, бәсекеге қабілетті өнім шығаратын ірі өндіріс хабы ретінде танылуы әбден мүмкін. Тоқыма өндірісінің дамуы аймақта жаңа жұмыс орындарының ашылуына да оң ықпал етуде. Жүздеген азамат жергілікті жерден тұрақты жұмыспен қамтылып, әлеуметтік жағдайын жақсартуға мүмкіндік алмақ. Сонымен қатар, Түркістандағы колледждер мен оқу орындары өндірістік салаға қажетті мамандар даярлауды қолға алды. Білікті тігіншілер, технологтар, дизайнерлер мен инженерлерді дайындау үшін арнайы білім беру бағдарламалары енгізіліп отыр.