Түркістан қаласында спорттың су түрлерін дамыту және жасөспірімдер мен спортшылардың кәсіби деңгейін арттыру мақсатында заманауи ескек есу арнасы салынуда. Бұл жоба қаланың спорт инфрақұрылымын нығайтып, өңірде халықаралық және республикалық жарыстарды өткізуге мүмкіндік береді. Түркістан қаласы әкімдігі бұл жобаны қолдап, инфрақұрылымдық қолдау көрсетіп отыр. Жақын арада ескек есу арнасының құрылысы аяқталып, спорт сүйер қауымға есік ашылмақ.
Түркістан қаласындағы 100 гектар аумақта халықаралық деңгейдегі «Ескек есу» арнасы бой көтерді. Бұл кешен туризм мен спортты біріктіретін Орта Азиядағы теңдесі жоқ нысандарының біріне айналмақ.
Бұл – академиялық ескек есу, байдарка және каноэ спортымен айналысуға арналған жасанды су арнасы. Нысан демалыс, серуен және түрлі көпшілік шаралар өткізу орны ретінде де пайдаланылады. Кешен Қазақстандағы басқа нысандардан несімен ерекше? Халықаралық стандарттарға сай салынған (ICF және FISA талаптары бойынша). Ұзындығы – 2222 метр, ені – 260 метр, тереңдігі – 4 метр; Толық автоматтандырылған жүйемен жабдықталған. Арна аумағында спорт кешендері, 1000 орындық трибуна, қонақүй, көгалдандырылған жағалау, технологиялық көпірлер қарастырылған. Заманауи ландшафт дизайны, урбанистік жағалау стилінде жасалған кешенде веложолдар, демалыс аймақтары қарастырылған; Түркістан қаласының Әкімшілік-іскерлік орталығының жасыл белдеуін суғаруға арналған ирригациялық жүйені сумен қамтамасыз етеді. Спорт нысанында қандай мүмкіндіктер қарастырылған? Спорттың 6 түрінен 500-ге жуық спортшы тұрақты түрде жаттыға алады; Азиялық және әлемдік деңгейдегі жарыстарды ұйымдастырылады. Жыл он екі ай оқу-жаттығу жиындарын өткізуге толық мүмкіндік бар. Бұл нысан Түркістан үшін неге маңызды?
Туристерді тартады – нысанда спортпен шұғылданумен қатар, демалыс аймақтары қарастырылған; Спорттың дамуына тың серпін береді – халықаралық деңгейде жарыстар, чемпионаттар өткізуге мүмкіндік бар; Жұмыс орындарын ашады – спорт саласында ғана емес, қызмет көрсету бағытында да жаңа мүмкіндіктер пайда болады. Қаланың имиджін қалыптастыруға тың серпін беретін бұл кешен Түркістанды тек тарихи және мәдени орталық ретінде ғана емес, сонымен бірге заманауи туристік хаб ретінде көрсетуге мүмкіндік ашпақ.
Осы ретте Түркістан қаласының әкімі Әзімбек Пазылбекұлы қала аумағында салынған ірі «Ескек есу» арнасының жұмыс барысымен танысты. Қала басшысы Орта Азияда теңдесі жоқ, 100 гектар аумақта бой көтерген «Ескек есу» арнасының ашылу салтанатына дайындық жұмыстарын тексерді. Халықаралық стандарттарға сай салынған спорттық нысанның ұзындығы – 2222 метр, ені – 260 метр, тереңдігі – 4 метрді құрайды. Арна заманауи автоматтандырылған жүйемен жабдықталған. Мұнда спорт кешендері, 1000 орындық трибуна, қонақ үй, көгалдандырылған жағалау, технологиялық көпірлер, веложолдар және демалыс аймақтары қарастырылған.
Академиялық ескек есу, байдарка және каноэ спортына арналған жасанды арна демалыс орны, серуендеу алаңы және халықаралық деңгейдегі спорттық жарыстарды өткізу орталығы ретінде қызмет етпек. Жыл он екі ай оқу-жаттығу жиындарын өткізуге де толық мүмкіндік бар. Қала әкімі нысанды аралау барысында ашылу салтанатына дайындықты жоғары деңгейде ұйымдастыруға атсалысып, тазалығы мен келушілерге қолайлы жағдай қамтамасыз етуді тапсырды.
Айта кетейік, «Ескек есу» арнасының ашылу салтанаты 14 қыркүйек күні сағат 18:00-де өтеді. Шара барысында танымал жүргізушілер мен өнер жұлдыздарының қатысуымен концерттік бағдарлама ұсынылып, су, лазер, флайборд шоулары мен әуе шарлары ұйымдастырылады. Сонымен қатар, келушілер үшін гастро жәрмеңке, қолөнер көрмесі, түрлі ойын-сауық алаңдары жұмыс істейді. Кеш соңында жарқыраған отшашу көрсетіліп, қала тұрғындары мен қонақтарына ерекше көңіл күй сыйламақ.