2025 жылғы 8 қыркүйекте Мемлекет басшысы Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауын түсіндіру және қолдау мақсатында Түркістан қалалық мәслихатындағы «AMANAT» партиясы фракциясының мәжілісі өтті.

Аталған жиынға фракция мүшелерімен бірге қатысып, Жолдауда көтерілген өзекті мәселелер мен стратегиялық бағыттар жөнінде пікір алмастық. Фракция мәжілісін фракция жетекшісі Құлбатыр Базарбайұлы ашып, жүргізді.

Мәжіліс барысында қалалық мәслихат депутаттары Абусейтов Бегахмет Зайнидинұлы мен Хандиллаев Сакен Мырзанұлы Жолдау жүктеген басым міндеттерге тоқталып, оның еліміздің болашағына әсері жайлы мазмұнды ойларын ортаға салды.

Баяндамадан кейін фракция мүшелері де белсенділік танытып, нақты ұсыныстар мен ой-пікірлерін білдірді.

“Президент Жолдауы – жаңа дәуір талаптарына сай, елімізді сапалы өзгерістерге бастайтын маңызды құжат. Бұл ретте, еңбек нарығына сұранысқа ие мамандықтарды даярлау, жұмысшы мамандықтарды дәріптеу басты назарда. Біз, халық қалаулылары, осы бағытта жүйелі жұмыс атқарып, әр тапсырманың орындалуын бақылауда ұстауымыз қажет”, – деді Ғаппар Сәрсенбаев.