Басқармалар үйінің мәжіліс залында Сауран ауданының әкімі Мақсат Таңғатаровтың қатысуымен ішкі саясат бөлімі мен оған қарасты коммуналдық мемлекеттік мекеме басшыларының 2025 жылдың 11 айында атқарған жұмыстары бойынша есеп беру жиналысы өтті.
Жиынға аудан әкімінің орынбасары Бақытжан Букебаев, аудандық Қоғамдық кеңестің төрағасы Серікбай Оразбеков, қоғамдық ұйымдар төрағалары, сондай-ақ бұқаралық ақпарат құралдары өкілдері қатысты.
Күн тәртібіне сәйкес, ішкі саясат бөлімі басшысының міндетін уақытша атқарушы Марат Қалеке 11 айында атқарылған жұмыстар бойынша баяндама жасады.
Баяндамада қоғамдық-саяси ахуалды тұрақтандыру, азаматтық қоғам институттарымен өзара іс-қимыл, ақпараттық-түсіндіру жұмыстары және мемлекеттік саясаттың негізгі бағыттарын іске асыру бойынша жүргізілген жұмыстарға тоқталды.
Жастар ресурстық орталығының басшысы Айгерім Дүйсенбекова есептік кезеңдегі жастар саясатын іске асыру бағытындағы жұмыстарды баяндап, өткізілген іс-шаралар мен қол жеткізілген нәтижелерді атап өтті. Сондай-ақ руханият және талдау орталығының 11 айында атқарған қызметі туралы баяндалды. Қоғамдық сана мен рухани құндылықтарды нығайту бағытындағы жұмыстар таныстырылды.
Мәжілісті қорытындылаған аудан басшылығы ішкі саясат саласы бойынша атқарылып жатқан жұмыстарды жүйелі жалғастыру, қоғамдық ұйымдармен өзара байланысты күшейту және алдағы кезеңге арналған міндеттерді сапалы орындау жөнінде бірқатар тапсырмалар берді.
Ішкі саясат саласының дамуына үлес қосып, өз қызметінде жоғары нәтижелерге қол жеткізген сала үздіктері Сауран ауданының әкімі Мақсат Таңғатаровтың Алғыс хаттарымен марапатталды.
