Сауран ауданына қарасты Үшқайық ауылдық округінде жиһаз өндірісін дамытуға бағытталған ірі инвестициялық жоба жүзеге асырылуда. Жобаның жалпы құны 1,6 млрд теңгені құрайды. Өндіріс орны іске қосылған жағдайда 500 адамды тұрақты жұмыспен қамту жоспарланып отыр.
Аталған жоба ауылдық округтің әлеуметтік-экономикалық дамуына оң ықпал етіп, жергілікті тұрғындарды жұмыспен қамтуға және өңірдің өндірістік әлеуетін арттыруға мүмкіндік береді. Сонымен қатар, отандық жиһаз өндірісін дамытуға серпін беріп, ішкі нарықты сапалы өніммен қамтамасыз етуге бағытталған.
Сауран ауданының әкімі Мақсат Таңғатаров жұмыс сапары барысында өндіріс нысанының құрылыс жұмыстарымен танысты. Сондай-ақ, кәсіпкермен кездесіп, жобаның жүзеге асырылу барысы мен алдағы жоспарлар бойынша пікір алмасты.
