Түркістан облысы қоғамдық даму басқармасының «Жастар ресурстық орталығы» КММ-нің ұйымдастыруымен Түркістан қаласында «Asyl MURA» волонтерлік әлеуметтік жобалар байқауының салтанатты ашылу рәсімі өтті.Іс-шараның негізгі мақсаты – жастардың азаматтық белсенділігін арттыру, қоғамдағы өзекті әлеуметтік мәселелерді шешуге бағытталған волонтерлік бастамаларды қолдау және дамыту, сондай-ақ қайырымдылық, патриотизм, экологиялық мәдениет пен әлеуметтік жауапкершілік құндылықтарын дәріптеу арқылы белсенді әрі жанашыр жастардың қатарын қалыптастыру.
Салтанатты рәсім барысында Түркістан облысы қоғамдық даму басқармасының «Жастар ресурстық орталығы» КММ басшысының орынбасары Бимаханбетов Дінислам Нартайұлы қатысушыларды байқаудың басталуымен құттықтап, волонтерлік қызметтің қоғамдағы маңызына тоқталды. Ол жастарды қоғамдық мәселелерді шешуге белсенді араласып, тың идеялар ұсынып, әлеуметтік жобаларды жүзеге асыруға шақырды.
