Бүгін елімізде Парламент мәжілісі депутаттары мен барлық деңгейдегі мәслихат депутаттарының кезектен тыс сайлауы өтуде.
Осы орайда Түркістан облысының Келес ауданы Ақтөбе ауылдық округі Ғ.Мұратбаев елді мекеніндегі №361 сайлау учаскесі таңғы сағат 07-00-де өз жұмысын бастады. Дауыс беруге сайлаушылар белсенді қатысып, өз таңдауларын жасап жатыр. Соны бірі 18 жасқа толып, сайлау құқығына ие болған Уматулла Ернұр бұл мүмкіндікті қалт жібермей, өзінің азаматтық борышын абыроймен орындады.
– Бүгін алғаш рет сайлауға қатысып, таңдау жасадым. Сайлауқа қатысу бойға ерекше әсер береді екен. Өзімді ересек адамдарша сезініп, еліміздің болашағы үшін өз таңдауымды білдірдім, – деді Уматулла Ернұр.
Кәмелет жасына қадам басқан ер жігіт еліміздің болашағы жарқын болсын деп Ғ.Мұратбаев елді мекені №361 сайлау учаскесінде алғашқы болып таңдау жасағаны үшін учаскелік комиссия төрағасынан сыйлық алды.
