Мемлекет басшысы Қасым-Жомарт Тоқаев кезекті Жолдауында Қазақстан экономикасын дамытудың алдағы стратегиясы белгілеген болатын. Оның ішінде
Қасым-Жомарт Тоқаев экономика, саясат және идеология салаларын бір-бірінен бөлмей реформалауға негізделген стратегиялық бағытты жүйелі түрде іске асырып келеді. Соның арқасында атқарушы билік жүйесі, орталық пен өңірлер арасындағы қарым-қатынас өзгереді, салықтық ынталандырудың, нормативтік-құқықтық реттеудің, инвесторлармен өзара іс-қимылдың жаңа шаралары енеді.
Осы орайда Түркістан қаласының әкімі Нұрбол Тұрашбеков жұмыс жоспарына сәйкес бүгін жыл басынан бері идеология саласында атқарылған жұмыстарды саралады. Әкімнің қабылдауында әлеуметтік сала, спорт, мәдениет, ішкі саясат бөлімдерінің есебі тыңдалып, проблемалары талқыланды.
– Кемшіліктер мен ескертулер бойынша сіздерге екі апта мерзім беріледі. Бүгін барлық сұрақтарыңызға жауап беруге дайынмын. Екі аптадан кейін сұрақты сіздерге мен қоямын. Өзекті мәселелер тізбесін әзірлеп, шешілу жолдарын ұсыныңыздар. Қаржыны қажет ететін мәселелер болса, бюджеттік өтінімді осы кезден дайындау қажет. Қолымызды мезгілінен кеш сермеп, ертең бір-бірімізден кінә іздеп отырмайық, – деді Нұрбол Әбдісаттарұлы өз сөзінде.
Жалпы жолдау аясында қаламыда атап айтқанда, жалақыны көтеру, жұмыспен қамту, балалар қауіпсіздігі, білім алудағы теңдік мәселелі өз шешімін табуда.Мемлекет басшысының қоғамда қызу талқыланып жатқан АЭС салуға қатысты мәселені республикалық референдумға шығару туралы ұсынысына ерекше назар аудару қажет. Бұл Президенттің «Халық үніне құлақ асатын мемлекет» және «Әділетті Қазақстан» принциптерін берік ұстанып отырғанын көрсетеді.
Жалпы, Жолдауда көптеген бағыттарды қамтитын және әлеуметтік-экономикалық реформалардың бірыңғай жүйесін құрайтын жүзден астам түрлі идеялар мен ұсыныстар айтылған.
