Түркістан облысы аграрлы аймақ болғаннан кейін, ауылшаруашлық саласын дамытуды басты назарға алып отырмыз. Жоспарланған шаралардың негізгісі ретінде «Ауыл аманаты» және «Жер аманаты» жобаларына басымдық берілуде. Бұл туралы «AMANAT» партиясы Түркістан облыстық филиалында өткен брифингте облыстық партия филиалының төрағасы Алтынсары Үмбетәлиев мәлім етті.
Қазірдің өзінде, «Ауыл аманаты» бойынша облысқа, Республикалық бюджеттен 19,8 миллиард теңге бөлініп отыр. Бұл қаржыға 64 ауылдық округтегі 4 000-ға жуық жобаны қолдау көзделуде. Сонымен қатар, 75 кооператив таңдалып, несие алушылардың тізімі жасақталуда.
Бүгінгі күнге, ауыл тұрғындарнан 847 өтінім қабылданды, оның ішінде 248 өтінім несие комитетімен мақұлданды, 459 өтінімнің құжаттары қаралу сатысында. Жоба құнына қарай 11 адамның есепшотына 59 млн.тг аударылды.
«Жер аманаты» бойынша өткен жылы, облыста 1 миллион гектардан астам жер, ортақ жайылымға қайтарылған болатын. Жол картаға сәйкес, 5 жылда 490 мың гектар жерді қайтару қарастырылса, оның 330 мыңы биылға жоспарланған. Бүгінгі күнге, 51,1 мың га жер қайтарылды.
Сонымен қатар, Агроөнеркәсіптік кешен саласында 61 инвестициялық жобаны іске асыруға, ауылшаруашылық айналымға тартылған жердің үлесін ұлғайтуға, ылғал үнемдеу технологиясын енгізуге, жылыжай алаңын кеңейтуге, тракторлар мен техника паркін жаңартуға, мал бордақылау алаңдарын арттыруға, 11 қайта өңдеу кәсіпорнын ашуға, әр қайсысының сыйымдылығы 68 млн. м3 болатын 2 суқойма салуға жағдай жасайтын боламыз.
Сондай-ақ, облыс тұрғындарының табысын арттыру мақсатында, индустриалды аймақтарда үш мыңнан астам тұрақты жұмыс орнын ашатын, 14 кәсіпорын ашу жоспарлануда.
Оның ішінде:
– Түлкібастағы «Састөбе химиялық кешені»; Ордабасыдағы «Мұнай өңдеу зауыты»;
– «Созақ фосфат» фосфорит өңдеу зауыты секілді ірі жобалар бар.
Алдағы 5 жылда жастар практикасымен 56 мыңнан астам, «Алғашқы жұмыс орны» жобасымен 15 мыңнан астам, «Жасыл ел» еңбек топтары арқылы жылсайын 1300-ге жуық жасты жұмыспен қамтуды жоспарлап отырмыз. Сондай-ақ, 1400-ден астам жасқа, жеңілдетілген несие беру қарастырылған. Ол үшін Республикалық бюджеттен 2,9 млрд. теңге қарастырылған. Шағын несие 2 жарым пайызбен 5-7 жылға дейін мүлікті кепілге қоя отырып, 5 млн. теңге дейін беріледі.
«AMANAT» партиясы Түркістан облыстық филиалының баспасөз қызметі
