“AMANAT” партиясы Кентау қалалық партия филиалының бастамасымен С.Қожанов атындағы саябақта “Азалы ана” монументінің айналасында Кентау көпсалалы колледжінің педагог – ұйымдастырушысы Айгүль Тойшиеваның ұйымдастыруымен, колледж “Еріктілер” тобы “Ұрпақтар естелігі” акциясына қатысып, монумент айналасына тазалау және абаттандыру жұмыстарын жүргізді. Акцияға сонымен қатар, “Жасыл қала” мекемесінің жұмысшыларыда өз үлестерін қосуда.
Акция алдында партия филиалының төрағасы Арман Басаров және филиал консультанты Бейсен Самбетов акцияның басты мақсатын таныстыра өтіп, жастарға бұл патриоттық тәрбие екенін, Ұлы Отан соғысы майданында қан кешіп жүріп, асқан ерліктің үлгісін көрсеткен майдан ардагерлеріне көрсетілер құрмет ауқымды. Айгүл Есенгелдіқызы, осындай акциялар арқылы соғыс ардагерлеріне қандай сый – құрмет көрсетсе де артық емес. Олар алдында бас ию, ерлікке тағзым ету – бүгінгі, жас ұрпақтың ең қастерлі борышы.
Аталған акция қалаға қарасты ауылдарда жалғасын табуда.
