«AMANAT» партиясы Түркістан облыстық филиалының қоғамдық қабылдау бөлмесінде облыстық мәслихат депутаттарының қатысуымен қоғамдық қабылдау өтті.
Қабылдауға Түркістан облыстық мәслихат депутаты, «AMANAT» партиясы Түркістан облыстық филиалының төрағасы Алтынсары Үмбетәлиев, облыстық мәслихат депутаты Алмас Салимов және қоғамдық қабылдау бөлмесінің меңгерушісі Берік Құлжанов қатысып, азаматтарды арыз-өтініштері бойынша қабылдады. Қоғамдық қабылдау бөлмесіне арнайы шағымын арқалап келгендер Сарыағаш ауданындағы «Келес Транс Газ» ЖШС-ң басшылары. Аудан тұрғыны Данияр Өтебай мен Абдулла Бекмуратов өз арыз-шағымдарын «Қазтранс Газ» мекемесіне қатысты айтты. Нақтырақ айтар болсақ, аудандағы Жібек жолы ауылдық округінің 26 000 халқы көгілдір отын мәселесіне келгенде қиындыққа тап болған. Яғни, аталған жауапты мекеме өз қызметін атқаруда «Келес Транс Газ» ЖШС – не кедергі келтіруде екен. Мәселе шешімін таппай халық газға қол жеткізе алмай отырғандықтан облыстық филиалдың қоғамдық қабылдау бөлмесіне аталған проблеманың шешілуіне ықпал етуді сұрап келген. Қабылдауды жүргізген халық қалаулылары, Сарыағаш ауданының әкімі, облыстық прокуратура қызметкерлерін және облыстық мәслихат депутаттарының басын қосып, сәуір айының 18-і күні өтетін фракция отырысында мәселенің қаралатындығын жеткізді. Айта кетейік, аталған арыз «AMANAT» партиясы Түркістан облыстық филиалы тарапынан бақылауға алынды.
