«Қуатты өңірлер – ел дамуының драйвері» ұлттық жобасы аясында солтүстікке қоныс аударушылармен Сайрам ауданында кездесу өтті.
Солтүстікті көріп қайтуға ниетті жолаушылармен «AMANAT» партиясы Түркістан облыстық филиалының төрағасы Алтынсары Дүйсенбекұлы Үмбетәлиев , аудан әкімінің орынбасары Мадияр Мұхтарұлы, аудандық партия филиалының төрағасы Алмас Әбдрахманұлы, облыстық мәслихат депутаты Ағабек Жаңабаев, “Tauekel” ұйымының төрағасы Бурахан Дақанов кездесіп, сәт-сапар тіледі.
Сондай-ақ шараға Түркістан облыстық мәслихатының депутаттары, Сайрам аудандық «Халықты жұмыспен қамту орталығының» директоры, аудандық мәслихат депутаты А.Казанкапов арнайы қатысты
Кездесуде “Tauekel” ұйымының төрағасы Бурахан Дақанов,
– Солтүстік Қазақстан облысындағы 13 ауданның ауылдары оңтүстіктің тұрғындарын асыға күтетіндігін жеткізді. Теріскейді қазақыландырайық. Түркістан облысы – Солтүстікке көштің нағыз «Адами һәм қазақи» инвесторы және доноры.
Сондықтан да бүгінгі шараға қолдау білдірген сіздерге және Солтүстікке көшуге ниет білдірген азаматтарға алғыс білдіремін, – деді.
Жалпы бүгінгі күнге дейін Оңтүстіктен Солтүстікке 12 мың адам қоныс аударса, Соның ішінде Сайрам ауданыннан 76 отбасы Солтүстікке көшкен. Ал биылғы жылы Сайрам ауданынан 8 отбасы көшуге ниет білдіріп отыр. Жалпы бүгінгі шара барысында Түркістан облысынан 52 отбасы Солтүстік өңірімен танысуға аттанды
Бұл шараға партия жанашыры, облыстық мәслихаттың депутаты Ағабеков Жаңабай мырза демеушілік танытып, тегін автобус ұйымдастырды. Мақсат оңтүстіктен – солтүстікке көшуге ниетті азаматтарды өңірлермен, бос жұмыс орындармен таныстырып, аралату. Содай-ақ, Солтүстікке бағыт алған жолаушыларға Сайрам ауданы атынан жолға қажетті сусындар, азық-түліктер мен көкөністер берілді.
Биылғы жылы да ” Қуатты өнірлер – ел дамуынаң драйвері ” ұлттық жоба аясында белгіленген квотаға сәйкес Республика бойынша 6700 адамды қоңыстандыру жоспарланған .
Қазақстанның Солтүстік өңірлеріне қоңыс аударған азаматтарға төмендегідей қолдаулар көрсетіледі ;
Отбасы мүшелеріне бір реттік 70 АЕК (241500) мөлшерінде үстемақы төленеді .
Жұмысқа жарамды азаматтарды жұмысқа орналастыруға жәрдемдеседі .
Қажет болған жағдайда кәсіптік – техникалық мамандыққа оқыдады.
Бір жыл көлемінде отбасы санына қарай 15 – 30 АЕК аралығында жалға алынған пәтер ақысын төлейді.
Ауылды аймақтарға қоңыс аударған отбасыларды 1 жыл көлемінде отын – сумен қамтаммасыз етеді .
Сонымен қатар, аруашылықпен айналысуға ниет білдірген азаматтарға егістікке жарамды жер телімі берілетін болады.
«AMANAT» партиясы Түркістан облыстық филиалының баспасөз қызметі
