Ангиограф аппараты – медицинадағы дәлдікті қажет ететін диагностика әдістерінің ең заманауи құралдарының бірі. Дәл осындай заманауи құрылғы Қожа Ахмет Ясауи клиникасында бар. Әрине жабдық қаншалықты жетілдірілсе де онымен адам жұмыс істейді. Демек, дертке дәрмен табылуы сол қымбат құрылғының «тілін табатын» дәрігердің біліктілігіне байланысты. Осының нәтижесінде қазір облыс орталығынан шалғай жатқан аудандағы науқастар ем іздеп алысқа сабылмайды. Жақын аудандардағы науқастардың бәрі сонда барып қаралады. Бұл құрылғы адамның қан тамырларын егжей-тегжейлі зерттеуге мүмкіндік береді. Бұл аппарат қан айналым жүйесін арнайы контрастты заттың көмегімен рентген сәулелері арқылы бейнелейді. Ангиография көмегімен тамырлардың тарылуы, бітелуі немесе қабырғаларындағы ақаулар нақты анықталады. Мұндай зерттеу жүрек-қан тамырлары ауруларының алдын алу мен емдеуде маңызды рөл атқарады. Ангиограмма инсульт пен инфаркт сияқты ауыр жағдайлардың даму қаупін бағалауға мүмкіндік береді. Сонымен қатар, ол тамырлардың жұмысын бағалау үшін қолданылатын ең сенімді әдістердің бірі болып саналады. Заманауи ангиограмма аппараттары жоғары сапалы кескіндер алуға мүмкіндік беретін жаңа технологиялармен жабдықталған. Бұл құрылғы кардиология, неврология және онкология салаларында кеңінен қолданылады. Операция алдында қан тамырларының жағдайын бағалау үшін де ангиография таптырмас құрал.
Аппарат дәрігерлерге науқастың нақты диагнозын анықтауға көмектеседі, бұл дұрыс емдеу жоспарын құруға мүмкіндік береді. Ангиограмма операциясыз зерттеу жүргізуге мүмкіндік береді, бұл пациенттер үшін қауіпсіз әрі қолайлы. Ол тамырлардың тек құрылымын ғана емес, сонымен қатар олардың қан айналымын да бағалай алады. Бұл құрылғының қолданылуы дәрігерлердің уақытын үнемдеп, дәл диагноз қою жылдамдығын арттырады. Ангиограмма аппараты тек диагноз қою үшін ғана емес, сонымен қатар емдік процедураларды бақылау үшін де қолданылады. Ол жүрекке жасалатын катетеризация кезінде немесе стент қоюда маңызды рөл атқарады. Аппараттың мүмкіндіктері қан тамырларындағы ең кішкентай өзгерістерді де анықтай алатынымен ерекшеленеді. Медицинада ангиограмма аппаратының маңыздылығы өте зор, себебі ол адам өмірін сақтап қалуда шешуші рөл атқарады. Ол арқылы қан айналым жүйесін зерттеу қарапайым әрі ауыртпалықсыз өтеді. Сонымен бірге, бұл құрылғы науқастың жағдайын кешенді түрде бағалап, тиімді емдеу тәсілдерін таңдауға көмектеседі. Ангиограмма – қазіргі медицинадағы диагностиканың ең маңызды және сенімді әдістерінің бірі. Оның дамуы көптеген адамдардың өмірін ұзартуға және сапасын жақсартуға мүмкіндік берді. Дәрігерлердің айтуынша, инфаркт алған науқасқа 3-6 сағат аралығында жасалған ем жақсы дариды. «Ангиограф» аппараты арқылы айығып кетіп жатқандар осының дәлелі. Ең бастысы, құрылғы қазалылық кардиологтардың өздеріне деген сенімін қалыптастырды. Былтыр отаның 4 түрін жасаған дәрігерлер алда басқа да күрделі операцияларды қолға алмақ.
Мүмкіндігі мол медицина саласының ауқымы кеңейіп мемлекет тарапынан көптеген игі істер жүзеге асып жатыр. Ал, бұл тұрғындардың қызметті тез алып, өмір сапасын арттыруда өзіндік үлес қосты. Соның бірі жалпыға ортақ МӘМС жүйесі. Сақтандырудың озық үлгісі бүгінде азаматтарға медициналық көмекті тегін әрі диагностикалық зерттеуден оңтайлы өтуге жағдай жасауда. Соның ішінде ангиограмма аппараты да бар. Негізгі қызметі 1,5 млн теңгеге бағаланатын зерттеу, МӘМС арқылы келген тұрғынға толық тегің тексерілуге мүмкіндік береді.
«Дені сау адам – табиғаттың ең қымбат» жемісі демекші әрқашан өз денсаулығыңызды күтіңіз. Себебі кез-келген жағдайда асқынған ауру өзге дертпен ұштасуы мүмкін. Ал, бұл сіздің өмір сапаңызға кері әсер етеді. Сырқаттан сақтайтын сиқырлы дәрі жоқ. Сондықтан, саулық сақтықта екендігін ұмытпағаныңыз абзал.
Авторы: Аяужан Аманова
Журналистика 4 курс студенті
