ҚАРАҚАТ ӘБДЕН ЖЕЗҚАЗҒАНДЫҚ ЖАСТАРМЕН КЕЗДЕСТІ

228

ҚР Президенттігіне үміткер Қарақат Әбден үгіт-насихат жұмыстарын жалғастыруда. Кандидат жергілікті сайлаушылармен, жастар қауымымен кездесті.

Открыть фото

Жиын барысында жастарды толғандырып жүрген сұрақтар талқыланды. Олардың қатарында орта техникалық білім, жатақхана мәселелері бар.

– Ертеңгі үмітіміз, болашағымыз – жастар. Олардың жағдайын қамтамасыз ету – біздің басты міндетіміз. Жастарға бүгін жасалған көмек —ертеңгі күнімізге тікелей инвестиция. Жастардың қоғамдық мәселелерге белсене араласып жүргені қуантады. Олар түрлі өзекті сауалдарды жолдап, ерекше идеяларымен бөлісуде, – деді Қ.Әбден.

Бұдан бөлек, жас ұрпақтың бойында ұлттық намыс пен патриоттық сезімді қалыптастыру, қыздардың үйлесімді тәрбиесіне көңіл бөлу жөнінде де сөз қозғалды.

Еске салса кетсек, елімізде 20 қараша күні кезектен тыс Президент сайлауы өтеді. Үміткер Қ.Әбден ел аймақтарын аралап, 10 қала мен бірнеше ауылдық елдімекенде 20-дан астам кездесу өткізді. Алдағы уақытта ол Қызылорда, Солтүстік Қазақстан, Түркістан, Жамбыл облыстарының сайлаушыларымен кездесу өткізеді.