Бүгін Түркістан қаласындағы Халықаралық туризм және меймандостық университетінде “Оңтүстік Қазақстан” газетінің 100 жылдығына орай «Қасиетті Түркістан өңірінде саяхат журналистикасы мен арт-журналистиканы дамытудың маңызы» атты семинар өтті.
Семинардың ашылу салтанатында “Оңтүстік Қазақстан” облыстық қоғамдық-саяси газетінің директор-бас редакторы Абай Балажан, облыстық қоғамдық даму басқармасы бастығының орынбасары Керімбек Әлкерімұлы мен университеттің басқарма төрағасы – ректор Әлібек Шоқпаров сөз сөйлеп, басылым мен тақырыптың маңыздылығына тоқталды.
Іс шара барысында белгілі журналист, ғалым әрі ұстаз, Қ. А. Ясауи атындағы ХҚТУ-дің профессоры Бекжігіт Сердәлі мен “Turkistan Media Holding” ЖШС-нің басқарушы директоры, журналист, медиаменеджер Тельман Бейсенов баяндама жасады. Сонымен қатар облыстық “Farab” әмбебап-ғылыми кітапханасы арнайы ұйымдастырған көрме көпшілік назарына ұсынылды.
Іс-шараға өңір журналистері мен туризм және журналистика мамандығының студенттері қатысты.
Басқосудың соңында университет ректоры Ә. Шоқпаров “Оңтүстік Қазақстан” газетінің ұжымына және өңірдегі БАҚ өкілдеріне арнайы құттықтау хат пен университет атынан кәдесый тапсырды.
