АЯЛДАМАЛАРДЫ ТАЗАРТУ ЖҰМЫСТАРЫ ЖҮРГІЗІЛДІ

29

Бүгін Қаратау ауданына қарасты басты көшелерде аялдамаларға механикалық жуу және қолмен тазарту жұмыстары жүргізілді.

Атап айтсақ, Н.Назарбаев даңғылы, С.Бәйтереков, Арғынбеков, Патеев, Т.Назарбеков және Алматы көшелеріндегі аялдамаларға тазалық жұмыстарымен бірге ілінген заңсыз жарнамалар алып тасталынды. Сондай-ақ автобус бекеттерінің айналасы сыпырылып, қоқыс жәшіктері жуылды. Бұл жұмыстарға ауданның тазалығына жауапты «Жасыл жер» ЖШС-і тарапынан 8 техника және 38 жұмысшы тартылды.

Айта кетейік, үшінші мегаполисте аялдама орнату және заман талабына сай жаңарту жұмыстары қарқын алған. Мәселен, қалада пилоттық режимде «Ақылды аялдама» орнатылуда. Қазіргі таңда шаһардағы «ақылды аялдамаға» салқындатқыш, бейнекамера және антивандалды экран орнатылып, халық игілігіне берілуде. Сонымен қатар, Шымкентте тұңғыш рет кондиционері бар аялдама қолданысқа берілді. Бұл аялдама «Теріскей» шағын ауданында орналасқан. Ол жазда салқындатып, қыста жылу береді. Оған қоса, аялдама интернетпен қамтылған. Яғни жолаушылар қоғамдық көлігі келгенше ыңғайлы орындықта отырып, тегін вай-файды қолдана алады.