ҚАЗАҚСТАН МЕН ӨЗБЕКСТАН АРАСЫН ЖАҢА ТЕМІРЖОЛ ЖЕЛІСІ ЖАЛҒАМАҚ

708

Сарыағаш-Ташкент бағытының жүктемесі Дарбаза-Мақтарал желісі арқылы азайтылмақ. Бұл туралы Үкімет отырысында ҚТЖ төрағасы Нұрлан Сауранбаев мәлім етті.

«Былтыр жүк айналымы 239,3 млрд тонно-шақырымға жетті. Бұл тәуелсіздік жылдарындағы ең жоғарғы көрсеткіш. Ал, транзит – 39,6 млрд тонна-шақырымға, артып, өткен жылғы деңгейден 2% көбейді. Жалпы компанияның табысы 120,6 млрд теңгеге жетті. Бұл алдыңғы жылы түскен пайдамен салыстырғанда 7,4 есе көп. Ақпанда ҚТЖ қызметкерлерінің орташа жалақысы 273 мың теңге болды», – деді компания басшысы.

Сондай-ақ Өбекстанмен арадағы алыс-беріс пен барыс-келстің артуына байланысты жаңа маршрут ашылатынын атап өтті.

«Қазіргі уақытта біз Сарыағаш – Ташкент негізгі теміржол учаскесінің қолданыстағы инфрақұрылымы өзінің шегіне жеткенін көріп отырмыз. Сарыағаш станциясы мен Сарыағаш – Ташкент учаскесінің жүктемесін азайту үшін Дарбаза – Мақтаарал теміржол желісін салу туралы шешім қабылданды. Бұл желіні салу – жүк ағынын жүйелі түрде дамытуға мүмкіндік беріп қана қоймайды, сонымен бірге халқы тығыз қоныстанған және аграрлы-өнеркәсіпті ауданды теміржолдың негізгі желісімен байланыстырады», – деді Нұрлан Сауранбаев.