Қазіргі ақпараттық технологиялар әлемінде цифрлық сауаттылық өмірдің ажырамас бөлігіне айналды. Цифрлық технологияларды тиімді пайдалану ақпаратты өңдеу, коммуникация және онлайн ортада бейімделу қабілетімізді анықтайды. Әсіресе, Қазақстанда цифрлық сауаттылық мәселесі өзекті және ерекше назар аударуды талап етеді.
Түркістанда өткен Ұлттық құрылтайдың «Әділетті Қазақстан – Адал азамат» атты екінші отырысында Президент отандық киноның дамуына жаңаша көзқарас пен тың серпін керек екендігін айтқан болатын.
«Бірақ цифрлық трансформацияға кедергі келтіретін де осы – адами фактор. Цифрлық үдерістерді басқару үшін цифрлық сауаттылыққа және білімге баса мән беруіміз қажет екенін түсінуге тиіспіз. Түпкі мақсат – цифрлық өсімге бағдарланған креативті қоғам қалыптастыру. Біздің адамдар жаңа идеяларды қабылдауға, жаңаша ойлау мен жаңа нәрсе ойлап табуға бейімделуі керек», – деген еді Қасым-Жомарт Тоқаев.
Мемлекет басшысының айтуынша, алдағы уақытта кейбір отандық жоғары оқу орындарында «Google» және «Huawei» халықаралық компанияларының тиісті курстары өтпек. Корея мен Қытайдың жоғары оқу орындарымен білім беру және мамандарды бірлесіп даярлау бойынша келісім жасалды. Жасанды интеллект саласында жыл сайын 100 стартап іске қосу бойынша міндет қойылып отыр.
Әлеуметтік-экономикалық теңсіздік цифрлық сауаттылық мәселесіне де әсер етеді. Кедей және аз қамтылған отбасылардың компьютерлер мен интернетке қол жетімділікті сатып алу мүмкіндігі аз. Бұл цифрлық алшақтықты тудырады және халық арасында цифрлық сауаттылықтың дамуына жол бермейді. Қазақстандағы цифрлық сауаттылық мәселесін шешу үкімет, білім беру мекемелері, бизнес-сектор және азаматтық қоғам тарапынан кешенді тәсіл мен бірлескен күш-жігерді талап етеді.
Ең алдымен, интернеттің қолжетімділігін кеңейту қажет. Мемлекет кең жолақты желіні дамытуға инвестиция салып, интернет-қызметтердің неғұрлым төмен бағамен қолжетімділігін қамтамасыз етуге тиіс. Бұл цифрлық алшақтықты азайтуға және көптеген адамдарға цифрлық дағдыларын дамытуға мүмкіндік береді.
