Цифрлық даму министрі Бағдат Мусин SpaceХ жаһандық лицензиялау және белсендіру жөніндегі директор Ребекка Хантермен кездесу өткізді. Кездесу барысында Қазақстанда Starlink технологиясын кеңейту, ауылдық мектептерді кең жолақты интернетпен жабдықтау, сондай-ақ цифрлық жобаларды дамыту мәселелері талқыланды.
Starlink-ке қосылған Шұбар ауылынының мектебін SpaceX өкілдері өз көздерімен көріп қайтып, кездесі барысында оң ойларымен бөлісті.
“Әріптестермен көрісіп, ҚР Президентінің тапсырмасымен Space X компаниясының жобасын іске асыру жолдары туралы сөйлескеніме қуаныштымын”, – деп атап өтті Министр. Бүгінгі таңда 447 ауылдық мектеп Starlink технологиясын қолдана отырып интернетпен қамтамасыз етілген. Терминалдарды орнатқаннан кейін мектептердегі Интернеттің орташа жылдамдығы 200 Мбит/с жетеді.
Түркістан облысының тұрғындары үшін арнайы еліміздегі «Цифрлы Қазақстан» және «Еуразиялық одақтың негізгі бағыттарын 2025 жылға дейін цифрландыру» мемлекеттік бағдарламалары қабылданғандығын мәлімдейміз. Оның «Цифрлық Жібек жолын іске асыру», «Адами капиталды дамыту», «Инновациялық экожүйені құру» сияқты бағыттары бар. Мұндағы басты мақсат – мемлекеттің экономикалық дамуын жеделдету және цифрлы технологиялар есебінен халықтың өмірін жақсарту, цифрлы экономиканы құруға жағдай жасау. Азаматтардың электрондық қызметтерді қолдану бойынша Қазақстан әлемде 15-ші, e-Government дамыту бойынша 28-орында. Ірі компаниялар Қазақстанның цифрлық экожүйесін дамытуға өз үлестерін қосуда. Цифрлы экономика – бұл сандық ақпараттық-коммуникациялық технологияларды пайдалануға негізделген экономикалық, әлеуметтік және мәдени қатынастар жүйесі. Бүгінгі күні цифрлы экономиканың қажеттілігі және оған деген сұраныс артуда. Себебі шұғыл өзгеретін нарықта инновация тез бейімделеді және әлемдік интеграцияға оңтайлана кіре алады.
