Түркістандықтардың назарына Қазақстандықтардың 90 пайызы дін істері және азаматтық қоғам министрлігінің дін саласында жүргізіп жатқан мемлекеттік саясатын қолдайтындығы жөнінде мәліметтерді ұсынамыз. Бүгінде адамдардың дені дәстүрлі дінді радикалды идеологиядан айыра біледі. Сауалнама нәтижесі көрсеткендей, қазақстандықтардың 90 пайызы дін саласындағы мемлекеттік саясатты қолдап отыр, деструктивті діни ағымдарға қарсы. Ақпарат топтары адамдармен тығыз қарым-қатынаста, түрлі аудиориямен жұмыс істейді. Ал жұмыс кей кезде қатып қалған шаблон бойынша, ескі әдіспен жүргізіледі. Барлық аудиторияға бір дәріс оқылып, ресми кездесулер өткізіледі де, жұмыс жүргізіліп отырған өңірдің ерекшелігіне ескерілмейді. Сондықтан дәріс оқитындар лекторлардың ақпараттық және коммуникативті технологиялары болуы керек, аудиторияға қарапайым түсінікті тілмен ұғындыруы тиіс.
Бүгінгі таңда әлемде дін мен оның құндылықтарының қоғам өміріндегі маңызы арта түскенін көріп отырмыз. Тарихта барлық мемлекеттер діннің моральдық және
этикалық негіздерімен санаса отырып дамыды. Белгілі бір дінді ұстанбайтын адам болуы мүмкін, алайда тұтас дінсіз халық болмайды. Сондықтан, дін феноменін мемлекеттен бөлек алып қарастыру мүмкін емес. «Дінсіз қоғам – мұхиттағы компассыз кемемен бірдей» деп санаған Француздың әйгілі қолбасшысы Наполеон Бонапарт императорлық таққа отырарда француз халқына өз дінін қайтарып, діни бостандыққа рұқсат берген болатын. 2006 жылдан бері мусылмандардың Құрбан айт мерекесінің бірінші күні және
православтық Рождество – 7 қаңтар күнтізбеде демалыс күндері ретінде бекітілді. Дін мемлекеттен бөлек деп жария етілгенімен, олар шын мәнінде бір-бірімен оқшауланбайды. Бұл екі тарап арасындағы қатынасты зайырлы серіктестіктің ерекше түрі деп те анықтауға
болады. Полиэтникалық құрамына қарамастан, Қазақстан өзінің бейбітшілік, ынтымақтастық және толеранттылығымен бүгінде әлем елдері назарында үлгіге айналып отыр. Осы тұрғыда көп ұлтты және көп конфессиялы қоғамдағы этникалық және діни
идентификацияға қатысты мәселелер күрделене түсетіні сөзсіз.
Қазіргі ішкі тұрақтылық пен бейбіт өмірді қамтамасыз ету үшін мемлекет тарапынан дін және ұлттық қауіпсіздік саласына қатысты арнайы саясат жүргізілуде. Бүгінгі таңда қалыптасқан діни ахуал дінаралық шиеленістердің күрделілігі мен көп аспкектілігін көрсетеді. Дүние жүзіндегі қақтығыстардың басым бөлігі осы дін мәселесіне байланысты туындап отырғаны баршамызға мәлім. Бүгінгі аталып жүрген Қазақстанның зайырлы мемлекет ретінде құрылуының бастамасы ең алғаш 1992 жылдың қаңтарында жасалған болатын. Ар-ождан еркіндігіне негізделген мемлекеттік саясат саласындағы реформалар жалпы саяси үрдістерден дараланбады. Олар өз кезегінде сана, ар-ұят, дін мен наным–сенім мәселелері бойынша қабылданған негізгі нормативтік құқықтық актілерге сәйкес жасалынды.
Қазақстан зайырлы мемлекет ретінде орныға отырып, азаматтық қоғамның қалыптасуының алғышарттарын жасады. 1992 жылдың өзінде «Діни сенім бостандығы
және діни бірлестіктер туралы» Заң қабылдады. Ол өз кезегінде мемлекеттік –конфессионалдық байланыстардың құқықтық негізіне айналды. Қазақстан мемлекеттік конфессионалдық саясаты жүргізу барысында қоғамның басым бөлігінің, соның ішінде
дінге сенушілердің де, сенбеушілердің де қажеттіліктерін ескеріп, олардың өтелуіне мүмкіндік жасады. Қазақстанда жылдар бойы этносаралық және дінаралық келісімнің тұрақты моделі қалыптасқанымен, ол мемлекет, азаматтық қоғам, оның ішінде діни
бірлестіктер тарапынан үздіксіз бақылау жүргізіп отыруды қажет етеді. Мемлекеттің дін саласындағы саясатының бірден-бір негізгі бағыты – елдегі діни алауыздық пен экстремистік қатерді болдырмау, оның алдын алу. Тәуелсіздік алған 1990-жылдардан бері қарай дін саласындағы мемлекеттік саясатқа қатысты
жасалған шаралар өз нәтижесін беріп келеді. Десе де, мемлекетіміздегі зайырлылық қағидаттарын ғылыми негіздеу, дін атын жамылған экстремизмнің алдын алу оған заңдық тұрғыда тосқауыл қою, қоғамның ішкі тұтастығы мен тұрақтылығына іріткі салуға жол
бермеу мәселелері әлі күнге өзекті.
Қазіргі таңда республика көлемінде 400-ден аса миссионерлер заңды түрде жұмыс жасап жатыр. Сонымен қатар, мемлекеттік – конфессионалды салада қарым қатынастардың жүйесін құруға қатысты мемлекет тарапынан бірталай шаралар іске асырылды:
-Құзырлық және жауапкершілік салалары өзара ажыратылды;-Мемлекет қоғам және тұлға арасындағы рухани өмірдің монополисі болуын тоқтатып,
діни ұйымдарын заңды тұлғалар ретінде құқықтары мойындалды.
