Түркістан облысының тұрғындарының назарына Ассамблеясы еліміздің тұрақты дамуына және қоғамдық келісімнің нығаюына айтарлықтай үлес қосып жатқандығы жөнінде ақпараттарды ұсынамыз. Мемлекет басшысы Қасым-Жомарт Тоқаев Ассамблея қызметіне жоғары баға беріп, оның болашақ бағытын айқындап берді. Бұл жағдай аталған ұйымның жұмысына жаңа серпін беріп, этномәдени бірлестіктердің өз миссиясын тиімді жүзеге асыруына жол ашты. Қазақстан халқы Ассамблеясы еліміздің тұрақты дамуына және қоғамдық келісімнің нығаюына айтарлықтай үлес қоса беретіні сөзсіз. Бүгінгі таңда Қазақстан халқы Ассамблеясының қызметі тек түрлі этностардың мүдделерін біріктірумен шектелмей, тілдерді оқыту, медиация институтын дамыту, қайырымдылық шараларын ұйымдастыру және еліміздің этномәдени бірлестіктерін аккредитациялауға бағытталған. ҚХА-ның басты міндеттерінің бірі – қоғамдық келісім мен жалпыұлттық бірлікті нығайтуға бағытталған мемлекеттік саясаттың әзірленуіне және іске асырылуына қолдау көрсету.
Ассамблеяның тағы бір маңызды бағыты – қазақстандық жастармен белсенді жұмыс жүргізу. Жастарға бағытталған түрлі жобалар мен іс-шаралар ұлт бірлігін нығайтуға, этносаралық ынтымақтастықты дамытуға және олардың азаматтық белсенділігін арттыруға септігін тигізеді. Сонымен қатар, ҚХА мүшелері ұлттық саясатқа қатысты заң жобаларына қоғамдық-саяси сараптама жүргізуге атсалысады. Сондай-ақ, этносаралық қатынастардағы ықтимал шиеленістердің алдын алу, даулы мәселелерді бейбіт жолмен шешу бойынша ұсыныстар әзірлеп, оларды іске асыруға белсенді түрде қатысады.
Ассамблеяның құрамындағы этномәдени бірлестіктерді ерекше атап өту қажет. Бұл ұйымдар коммерциялық емес сипатқа ие және ҚХА-ның басты мақсаттары мен міндеттерін жүзеге асыруға атсалысады. Этномәдени бірлестіктердің қызметі азаматтардың бастамалары мен белсенділігін дамытуға, олардың мәдениеті мен салт-дәстүрлерін, ана тілдерін сақтауға және дамытуға бағытталған. Қазақстандағы азаматтық қоғамның осы институты барлық этностардың мүдделерін біріктіре отырып, кез келген ұлт өкілінің құқықтары мен бостандықтарының сақталуын қамтамасыз етеді. Осылайша, Ассамблея елдің саяси жүйесінің ажырамас бөлігіне айналып, этносаралық келісімді қамтамасыз етуде маңызды рөл атқаруда.
Қазіргі кезеңде Қазақстан халқы Ассамблеясы елдің егемендігін сақтау және азаматтық бірегейлік пен қазақстандық патриотизмді нығайту негізінде түрлі этностарды топтастыру мен біріктіру бағытында маңызды міндеттерді жүзеге асыруда. Ұйымның негізгі мақсаты – қазақ ұлтын біріктіретін басты құндылықтарды насихаттау, соның ішінде ең маңыздысы – еңбекқорлық, заңға деген құрмет және азаматтардың құқықтары мен мүдделерін қорғауға бағытталған нақты әрі тиімді шешімдер қабылдау.
Осылайша, Қазақстан халқы Ассамблеясы қазіргі Жаңа Қазақстан кезеңінде ұлтаралық қатынастарды нығайтуға, ел ішіндегі бірлік пен тұрақтылықты қамтамасыз етуге және бейбітшілікті сақтау мақсатында мемлекеттік саясатты жүзеге асыруда өзекті бағыттар мен тиімді тәсілдерді қолдануда. Қазақстанда қалыптасқан ұлтаралық қарым-қатынастар үлгісі – тұрақтылығы мен тиімділігін дәлелдеген, уақыт сынынан өткен ерекше жүйе. Ассамблея құрылған күннен бастап мемлекет пен қоғам алдындағы өз жауапкершілігін толық сезіне отырып, осы бағытта белсенді қызмет атқаруда.
Қазақстан халқы Ассамблеясының жұмысының нәтижесінде қоғамда сенім, ынтымақтастық және өзара түсіністік атмосферасы орнап, этносаралық және конфессияаралық келісімнің өзіндік қазақстандық моделі қалыптасты. ҚХА құрамындағы этномәдени бірлестіктер азаматтардың мәдениетін, салт-дәстүрлерін және тілдерін сақтау мен дамытуға атсалысады. Бұл ұйымдар елдегі азаматтық қоғамның маңызды элементіне айналды.
Ассамблеяның этномәдени бірлестіктерді біріктіру, Қазақстанда өмір сүретін барлық этностардың мәдениетін, тілдері мен дәстүрлерін сақтау, жаңғырту және дамыту бағытындағы маңызды қызметін ерекше атап өтуге болады. Қоғамдағы басты міндет – бірлікті сақтау және ұлттар арасындағы достықты нығайту. Бұл үдерісте қарапайым халықтың рөлі ерекше. Сол себепті әрбір азамат өзін де, айналасындағы адамдарды да құрметтеуі қажет.
Бүгінде Қазақстан – азаматтарын этникалық, әлеуметтік немесе діни ерекшеліктеріне қарай бөлмейтін, керісінше, елді дамуға бағыттайтын біртұтас халықтан тұратын мемлекет. Соңғы жылдары елдегі тұрақтылық сақталып, жағдайды шайқалтатын күштер байқалған жоқ. Әр ұлттың өкілдері өз ана тілінде еркін сөйлеп, ұлттық дәстүрлері мен рухани құндылықтарын сақтауға толық мүмкіндігі бар.
Жастарды отансүйгіштікке тәрбиелеуге, демократиялық қағидаларды нығайтуға және халықтың бірлігін арттыруға бағытталған мемлекеттік саясат ұлттық тұтастық пен бірегейліктің дамуына оң әсер ететіні сөзсіз. Қазақстан халқы Ассамблеясының 30 жылдығы – ұлтаралық татулық пен бірлікті нығайтудағы маңызды белес. Бүгінде елімізде түрлі этнос өкілдері бір мақсат – Қазақстанның өркендеуі үшін еңбек етуде. Ассамблея болашақта да бейбітшілік пен келісімнің сенімді тірегі болып қала береді.
