Сарыағаш ауданындағы барлық 82 сайлау учаскелері уақытында ашылып, сайлаушыларға барлық жағдай жасалған. Таңғы сағат 7-00 ден бастап тұрғындар сайлауға белсене қатысуда.
«Соңғы жылдары болып жатқан өзгерістер біздің қалыптасып қалған таным-түйсігімізді, ұстанымдарымызды өзгертті. Бүгінгі сайлауда халықтың белсенділігі өте жоғары. Себебі халықта осы сайлауға біздің ертеңгі болашағымыз, жастардың келешегіне байланысты екендігіне сенім кәміл», деді аудандық ардагерлер кеңесінің төрағасы Мұстапа Сүлейменов.
Аудандық Тәжік этно-мәдени орталығының төрағасы Мухиддин Мамараимов өңір тұрғындарын сайлауға белсене қатысуға шақырды.
«Бүгінгі сайлау халықтың болашағын айқындап беретін үлкен науқан. Бүгінгі сайлауда барлығы дұрыс таңдау жасайды деген үміттемін», дейді.
Сарыағаш ауданы, Көктерек кентінің тұрғыны Ашимов Ердәулет кәмелет жасқа толып, алғаш рет №22 сайлау учаскесінде дауыс берді. Ердәулет елі үшін өз таңдауын жасады. Ол маңызды саяси науқанда дауыс беруді өзінің азаматтық борышы деп біледі.
Айта кетейік, Сарыағаш ауданы бойынша барлық сайлау учаскесінің есіктері ашық. Азаматтар кешкі 20:00-ге дейін өз сайлау учаскесіне барып дауыс бере алады.
